Rivaliteti mes Barcelonës dhe Bayern Munich-ut nuk ishte vetëm në fushën e lojës në këto vitet e fundit.
Dy gjigandët evropianë, së fundmi janë përballur edhe në afatet kalimtare verore, duke transferuar futbollistë, apo duke kërkuar të njëjtit.
Vitin e kaluar, kampionët e Gjermanisë dëshironin t’i rrëmbenin Barcelonës talentin e tyre, Pedri-n, një nga elementët e pakët që po shkëlqen në një periudhë të errët te Barcelona.
Madje, drejtori teknik i bavarezëve, Hasan Salihamidzic, provoi ta merrte falas talentin spanjoll, duke u munduar ta bindë që të mos nënshkruajë kontratë me Barçën.
Gjithsesi, në fund Pedri rinovoi kontratën me Barcelonën, por kjo nuk e heq faktin se Bayern-i provoi ta rrëmbente në një moment të komplikuar, gjë e cila irritoi së tepërmi katalanasit.
Kështu, siç raportohet nga mediat spanjolle, Barcelona tani kërkon të hakmerret nga klubi gjerman.
Në radarin e klubit katalanas, së fundmi ka përfunduar qendërmbrojtësi i Bayern-it, Nicklas Sule, i cili është pranë skadimit të kontratës dhe ende nuk ka gjetur gjuhën e përbashkët me klubin për ta rinovuar atë.
Sule i cili u ble nga Hoffenheim-i në vitin 2017 për shumën e 20 milionë eurove, nuk ka arritur ende marrëveshje për vazhdimin e kontratës, e cila i skadon në qershorin e ardhshëm.
Megjithatë, gjithnjë sipas mediave spanjolle, ky nuk është plani i vetëm i klubit katalanas.
Ata kërkojnë t’i rrëmbejnë Bayern-it edhe dy nga talentet më të mirë të ekipeve të të rinjve, 16 vjeçarin Kenan Yildiz dhe 18 vjeçarin Gabriel Vidovic.
Të dy futbollistët janë pjesë e akademisë së klubit të Bayern-it dhe shihen si talent premtues për futbollin e së ardhmes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit