Emma Raducanu, fantazistja britaneze e Tenisit, e ka nisur me fitore pjesëmarrjen e saj të parë në Grand-Slamin e Australian Open.
Në debutimin e saj në Melbourne, kampionja e US Open fiton me 2-1 me sete (6-0, 2-6, 6-1) përbllë tenistes nga Amerika, Sloane Stephens.
Edhe kjo e fundit ishte poashtu një tjetër fituese në US Open.
Raducanu, e renditur në vendin e 17-të, setin e parë e mbylli në vetëm 17 minuta para se të gabonte shumë në setin e dytë.
Mirëpo, në setin e tretë ajo gjeti formën përsëri dhe e mbylli ndeshjen në favorin e saj.
19-vjeçarja në raundin tjetër do të ndeshet me tenisten nga Mali i Zi, Danka Kovinic, të enjten.
Raducanu e hodhi raketën në fushë, në atë që po bëhet festimi i saj tradicional, duke pasqyruar se sa shumë vlen një fitore në Grand-Slam.
“Edhe unë edhe Sloane japëm gjithçka sot”, nisi Emma, “ishte një ndeshje shumë e mirë”.
“Jam e lumtur për një fitore ndaj një kampione si ajo”, mbylli Raducanu.
Pas Amerikës, Raducanu kërkon të vazhdojë senzacionin edhe me një sukses në Australi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE
