Presidenti i Turqisë, Recep Tayyip Erdogan, ka deklaruar në përmbyllje të vizitës së tij se Xhamia e Et’hem Beut është një nga veprat më madhështore që rihapet në qendër të Tiranës.
Erdogan gjendej në sheshin Skënderbej, aty ku u bë dhe përurimi i Xhamisë së Et’hem Beut.
Numri një i presidencës turke përshëndeti ndërkaq të gjithë pjesëmarrësit si nga Maqedonia e Veriut apo Kosova.
Fillimisht, Erdogan e konsideroi objektin e kultit një dëshmi artistike të periudhës osmane që ka mbërritur deri në ditët e sotme.
Në vijim të fjalës së tij, kreu i shtetit turk bëri një përmbledhje të vizitës së 17 janarit.
Xhamia, sipas tij, me ndriçimin e ri do t’i japë një pamje magjepsëse qendrës së Tiranës.
Erdogan vuri theksin te TIKA si agjencia që bëri të mundur realizimin e 546 veprave konkrete.
Numri një i presidencës turke garantoi se do të vijojë t’iu qëndrojë pranë popullit shqiptar.
Deri në muajin e Ramazanit, Erdogan shpreson që t’i japë zgjidhje edhe restaurimit të Xhamisë së Namazgjasë në Elbasan.
“Së bashku me mikun tim, kryeministrin e Shqipërisë, krah më krah, do të kemi sërish vepra të tjera të tilla që do të vihen në shërbimin tuaj”, tha kreu i presidencës turke.
Në përmbyllje, Erdogan uroi që ky restaurim i Xhamisë së Et’hem Beut të jetë në dobi të njerëzve.
Ceremonisë së prerjes së shiritit inaugurues iu bashkangjit edhe kryebashkiaku i Tiranës, Erion Veliaj dhe ministrja e Kulturës, Elva Margariti.
Kryeministri Rama nuk zgjodhi të merrte gërshërët për të prerë shiritin.
Sipas Erdogan, këto të fundit gjithësecili do i ruajë si kujtim për të mos i kthyer mbrapsht.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Lejuan ndërtimin e paligjshëm në Patok, arrestohet drejtori i IMT-së në Kurbin dhe pezullohen inspektorët
-
Dokumentari i Rai 3: Ironi dhe akuza në Kuvendin e Shqipërisë
-
Bardhi: Kuvendi të distancohet nga sjellja e Ramës ndaj Rai 3
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Stoltenberg qorton aleatët për mbështetjen e vakët ndaj Ukrainës
-
Osmani kërkon mbështetjen e Zvicrës për anëtarësimin e Kosovës në KiE