Lidhja Demokratike e Kosovës e sheh si krejtësisht të papranueshme që të lejohet mbajtja e Referendumit të Serbisë në territorin e Kosovës.
Kështu është shprehur kryetari i kësaj partie, Lumir Abdixhiku, përmes një shkrimi të shkurtër në llogarinë e tij në Facebook, në kohën kur ambasadorët e QUINT-it në Kosovë po kërkojnë lejimin e këtij referendumi dhe në anën tjetër qeveria nuk e ka lejuar organizimin e votimit.
“Lidhja Demokratike e Kosovës e sheh të papranueshëm mbajtjen e çfarëdo referendumi të një shteti tjetër në territorin e Republikës së Kosovës”, shkruan Abdixhiku.
“Kushtetuta e Kosovës, ligjet e Kosovës dhe praktikat ndërkombëtare, janë të qarta në këtë drejtim. Prandaj ne presim dhe mbështesim respektimin e këtyre normave në plotni”, përfundon statusi i tij.
Njëjtë si Abdixhiku, ka thënë edhe kryetari i Partisë Demokratike të Kosovës, Memli Krasniqi, në një prononcim për Albanian Post.
“Shkelje flagrante e sovranitetit”, ka thënë ai, pos tjerash, se është mbajtja e këtij referendumi me 16 janar.
Referendumi që pritet të mbahet në Serbi ka të bëjë me ndryshimet kushtetuese atje. Qeveria deklaroi para disa ditësh që nuk do të lejohet mbajtja e këtij Referendumi edhe në territorin e Kosovës.
Gjithashtu, kanë përmendur organizimin e vendvotimeve nga OSBE-ja në Kosovë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Tritol banesës së gjyqtarit, reagon ministri i Drejtësisë
-
Macron dëshiron të hapë debatin mbi parandalimin bërthamor evropian
-
Pas Prizrenit, më 2 maj edhe Tirana e dekoron Ali Ahmetin me titullin “Qytetar Nderi”
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
Lajmet kryesore
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
Tritol banesës së gjyqtarit, reagon ministri i Drejtësisë
-
Macron dëshiron të hapë debatin mbi parandalimin bërthamor evropian
-
Përkrahja e Kurtit s’i ndihmoi VLEN-it t’i fitojë zgjedhjet, Kasami për AP: Bashkëpunimi do të vazhdojë