Charlton – Norwich
Ndeshja mes Charlton dhe Norwich përfundoi me fitoren e këtyre të fundit me rezultat 0:1.
Heroi i ndeshjes ishte Milot Rashica, i cili shënoi golin e fitores, dhe njëkohësisht golin e tij të parë me klubin anglez.
Futbollisti i Kosovës, u inkuadrua në pjesën e dytë, në minutën e 46-të.
Në minutën e 80-të, Rashica shënoi golin e fitores, dhe i kualifikoi Norwich-in në 1/16-tën e finaleve në FA Cup.
Liverpool – Shrewsbury
Dueli mes Liverpool dhe Shrewsbury përfundoi me fitoren e këtyre të parëve me rezultat 4:1.
Liverpool u kualifikuan më tej, në 1/16-tën e finaleve të FA Cup.
Ndeshjen e filluan mirë Shrewsbury, të cilët shënuan të parët në minutën e 27-të me anë të Daniel Udoh.
Pas vetëm shtatë minutave, Liverpool barazoi rezultatin me Kaide Gordon.
Liverpool nuk priti të mbaroi pjesa e parë me barazim, pasi në minutën e 44-të, Fabinho i dha epërsinë nga pika e bardhë e penalltisë.
Goli i tretë erdhi në minutën e 78-të nga i Roberto Firmino, i cili ishte inkuadruar vetëm 14 minuta para golit.
Për rezultatin përfundimtar u përkujdes Fabinho, i cili shënoi në minutën e 93-të.
Tottenham – Morecambe
Ndeshja mes Tottenham dhe Morecambe ishte tensionuese për vendasit.
Tottenham fitoi ndeshjen me rezultat 3:1, dhe u kualifikua në të 1/16-tën e finaleve në FA Cup.
Morecambe u mbajtën mirë në pjesën e parë, pasi gjetën epërsinë në minutën e 33-të me Anthony O’Connor dhe nuk pranuan gol në pjesën e parë.
Goli i barazimit për Spurs, erdhi në minutën e 74-të nga Harry Winks.
Për golin e epërsisë u përkujdes Lucas Moura, i cili shënoi në minutën e 85-të.
Golin e tretë dhe të fundit e shënoi Harry Kane, për të siguruar fitoren dhe kualifikimin e mëtutjeshëm.
Ndeshjet e tjera në FA Cup përfunduan kështu:
Luton – Harrogate 4:0
Stoke – Leyton Orient 2:0
West Ham – Leeds 2:0
Wolves – Sheffield Utd 3:0
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
KSHZ: Deri në orën 15:00 në zgjedhjet parlamentare votuan 36,84%, në ato presidenciale 32,16%
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
Mitsotakis: Ardhja e Ramës në Athinë është e panevojshme, s’ka ftesë nga Qeveria greke
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin