Bomba 907 kilogramëshe e cila gjet para tre jave në afërsi të pikës kufitare në Merdare, përfundimisht u shkatërrua.
Ekipet e Forcës së Sigurisë së Kosovës, përkatësisht ekipet e EOD-së në bashkëpunim me Ekipin e EOD-së së KFOR-it Amerikanë, këtë të premte paradite, kanë bërë të ditur se kanë asgjësuar përfundimisht bombën Mk 84 me peshë 907 kilogramë në fshatin Merdare të Podujevës.
Sipas njoftimit të FSK-së, bomba “e gjetur gjatë deminimit në fshatin Merdare, operacioni është mbyllur me sukses pas 14 orësh punë dhe bomba nuk paraqet rrezik më për qytetarët e Republikës së Kosovës”.
“Shkatërrimi është bërë në ambiente të kontrolluara dhe sipas kushteve dhe standardeve më të larta të sigurisë”.
“Forma e shkatërrimit të bombës ishte shpërthim më fuqi të ultë ku është ruajtur shumica e trupit, që do të përdoret në të ardhmen për trajnime të pjesëtarëve në këtë fushë”, shpjegon më tej FSK.
“Kompania e Deminimit e FSK-së është e përkushtuar të punoi për të krijuar një ambienti të sigurt për të gjithë qytetarët”, përfundon njoftimi.
Edhe gjatë identifikimit të saj, ishte ndërprerë qarkullimi në pikën kufitare në mes të Kosovës dhe Serbisë, në Mërdare, për një kohë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Tym dhe zjarr në protestën e opozitës para Bashkisë së Tiranës
-
Komision i Posaçëm për sundimin e ligjin, Rama thirrje opozitës: Të punojmë për Shqipërinë evropiane
-
Kurti: Krimet e kryera nga shteti i Serbisë s’vjetrohen dhe as nuk harrohen
-
Egjipti: Izraeli po kërcënon përpjekjet e forta për paqen dhe ndihmën në Rafah
Lajmet kryesore
-
Komision i Posaçëm për sundimin e ligjin, Rama thirrje opozitës: Të punojmë për Shqipërinë evropiane
-
Tym dhe zjarr në protestën e opozitës para Bashkisë së Tiranës
-
Loja “e fshehtë” e Netanyahut, i cili ka frikë të humbasë koalicionin nëse dorëzohet tani
-
Kosova e Serbia s’mund të përfitojnë nga miliardat e BE-së pa i normalizuar raportet