Kryeministri i Kosovës, Albin Kurti gjatë ditës së mërkurë të 29 dhjetorit ka pritur në takim ambasadorin jorezident të Katarit në Kosovë, Ali bin Hamad Al-Marri, me ç’rast i pari i ekzekutivit ka thënë se Kosova është vend i përshtatshëm dhe me potencial për investitorë të huaj me stabilitet politik dhe një qeveri të fokusuar në drejtësi dhe zhvillim ekonomik.
Kryeqeveritari Kurti gjatë takimit me ambasadorin e Katarit, Al-Marri është mburrur me punën e tij teksa ka thënë se në Kosovë ka zhvillime pozitive me theks të veçantë në ekonomi.
“Në krahasim me vitin e kaluar dhe atyre pararendës janë rritur të hyrat buxhetor, është rritur eksporti dhe formalizimi i ekonomisë si dhe investimet e huaja”, ka thënë Kurti.
Kurti gjithashtu ka falënderuar ambasadorin e Katarit për mbështetjen e vendit të tij në ballafaqimin me pandeminë coronavirus.
“I jemi mirënjohës mbështetjes së Katarit ndër vite, e sidomos për ndihmën me pajisje mjekësore në ballafaqimin me pandeminë COVID-19. Gjithashtu falënderoj shtetin e Katarit për lehtësimin e hapjes së ambasadës së Republikës sonë në Doha, për përkrahjen e deritanishme në anëtarësimin e Kosovës në organizata ndërkombëtare”, ka shtuar ai.
Në anën tjetër Ambasadori Al-Marri tha se është nder të qëndrojë përkrahë shtetit të Kosovës dhe shprehu interesimin dhe gatishmërinë për të avancuar edhe më tej marrëdhëniet e shkëlqyera ndërmjet dy vendeve.
“Populli duhet të jetë përfituesi kryesor i bashkëpunimit tonë”, ka thënë Al-Marri.
Ndryshe një ditë më parë Presidentja e Kosovës, Vjosa Osmani gjatë takimit që ka pasur me Ambasadorin Al-Marri, është ftuar me ftesë zyrtare të Emirit të Katarit, Tamim Bin Hamad Al Thani për realizimin e një vizite në këtë shtet, në një kohë të përshtatshme për të dy palët.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti, rekordmeni i takimeve me Vuçiç-in
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj
-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim
-
LDK: Edhe një vendim anti-kushtetues i Qeverisë
Lajmet kryesore
-
Kurti, rekordmeni i takimeve me Vuçiç-in
-
3.3 milionë turistë hynë në Shqipëri deri në maj, rritje me 38% nga viti i shkuar
-
18 milionë dollarë investime nga fondet “e qëndrueshme” të rregulluara nga BE shkojnë për ndotësit më të mëdhenj
-
Konstituimi i Komisionit të Dezinformimit – Opozita jo uniformë, Doda dhe Mediu të pranishëm