Xavi Hernandez ka debutuar me fitore në krye të stolit te Barcelona-s. Fitorja ka ardhur në derbi përballë Espanyol-it të Keidi Bares.
Edhe pse një fitore minimale 1-0, Barcelona ka dhënë shkëndijat e para të një cikli të ri.
Lojtari i Kombëtares së Shqipërisë, mesfushori fierak Bare, nuk pati asnjë minutë në këtë ndeshje pasi ishte i dëmtuar.
Barcelona dominoi lojën, pavarësisht se golin do e gjente me 11 metërsh. Pjesa e parë e takimit përfundoi me rrjeta të paprekura.
Në pjesën e dytë do të vinte dhe goli i vetëm i takimit. Memphis Depay shënoi në minutën e 48 për 1-0. Minutat e mbetura prodhuan lojë, por jo gola.
Me fitoren e arritur, Barcelona shkon në kuotën e 20 pikëve, në vendin e gjashtë në La Liga. Espanyol-i qëndron në kuotën e 17 pikëve në vendin e 11.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog