Blerim Vela – Shef i kabinetit të Presidentes së Kosovës, Vjosa Osmani, i ka reaguar Presidentit të Serbisë, Aleksandër Vuçiç, i cili e ka quajtur “budallallëk” deklaratën e Osmanit – “Serbia është vegël që Rusia e përdorë për ta destabilizuar Ballkanin”.
Vela i është drejtuar presidentit serb duke i thënë “rritu, fëmijë i llastuar”.
“Politika e Vuçiçit mund të jetë tërheqëse për audiencën e TV Pink ose TV Happy, por është krejtësisht pa shije. Realiteti qëndron se ai është politikan frikacak që vazhdimisht i projekton të gjitha pasiguritë e tij përmes tregimeve seksiste dhe të dhunshme”, ka shkruar Vela në Twitter.
⛔️ #Vučić’s schund politics might be attractive to TV Pink or Happy TV audiences, but it is utterly tasteless.
The reality is that he’s a cowardly politician who constantly projects all his insecurities through sexist & violent narrative. Grow up, derište!https://t.co/jjqOHSIefH
— Blerim Vela (@Blerim_Vela) November 10, 2021
“Asociacioni o do të bëhet me kompetencat që jemi marrë vesh në Bruksel ose faleminderit, ne punën tonë, ju tuajën dhe do të takohemi një ditë”, tha Vuçiç.
Ai kështu i është kundërpërgjigjur presidentes së Kosovës, Vjosa Osmani, e cila theksoi se nuk do të ketë asociacion me kompetenca ekzekutive.
“Më së miri është që Asociacioni të ketë të drejtën të prodhojë qese për krem-banane. Eventualisht tri shkrepëse dhe dy lapsa për fundvit dhe kështu Vjosa Osmani të jetë e lumtur”, theksoi në mënyrë ironike Vuçiç.
“Është një marifet i mjerë që përdorin sepse kur nuk dinë çfarë të thonë kundër Serbisë, thonë se jemi të lidhur me Rusinë dhe Kinën. Politika jonë është një Serbi e pavarur, sovrane, e lirë në rrugën evropiane, por që respekton miqtë e saj rusë, kinezë dhe amerikanë”, shtoi ai.
Ndërkaq, presidentja Osmani, dhe Kryeministri i Kosovës, Albin Kurti, kanë thënë se nuk do të ketë Asociacion, pasi ai do të shndërronte Kosovën në një shtet jofunksional, duke marrë shembull edhe Bosnjën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kristi Noem, zëvendësja e mundshme e Trump: Kam vrarë qenin tim, e urreva, ishte i padisiplinuar
-
Maqedonci takon homologun hungarez, flasin për sulmin në Veri dhe sigurinë në Ballkan
-
Nga Suedia në Mbretërinë e Bashkuar, një valë arrestimesh zbulon praninë e një rrjeti spiunësh kinezë në Evropë
-
Sadaf Baghbani: Kam 150 fishekë në trup, mendova se askush nuk do të më dojë më