Organizata Botërore e Shëndetësisë (OBSH), ka miratuar vaksinën e një prodhuesi indian për përdorim urgjent kundër Coronavirusit.
Sipas OBSH-së përfitimet e përdorimit të vaksinës Covaxin “i tejkalojnë rreziqet”.
“Ajo është jashtëzakonisht e përshtatshme për vendet me të ardhura të ulëta dhe të mesme, për shkak të kërkesave të lehta për ruajtje”, ka thënë OBSH-ja.
Përpara se të frenonte dërgesat e vaksinave jashtë shtetit në prill, India kishte dhuruar ose shitur më shumë se 66 milionë doza Covid-19, përfshirë Covaxin.
Covaxin prodhohet nga kompania Bharat Biotech dhe efektiviteti i saj është rreth 78 për qind.
Bharat Biotech, tha në një deklaratë se ka krijuar prodhimin e Covaxin për të arritur një kapacitet vjetor prej 1 miliard doza deri në fund të vitit 2021, me aktivitetet e transferimit të teknologjisë në progres me kompanitë në Indi, përcjell CNN.
Gjashtë vaksinat e tjera kundër Coronavirusit, të miratuara nga OBSH-ja deri tani janë: AstraZeneca, Pfizer/BioNTech, Johnson & Johnson, Moderna, Sinopharm dhe Sinovac.
Miratimi nga OBSH-ja hap rrugën që vendet pa rregullatorë mjekësorë, t’i ndjekin udhëzimet e kësaj organizate për përdorimin e vaksinave.
Rregullatori i barnave në Indi e ka autorizuar përdorimin e Covaxin-it qysh nga janar.
Deri në mes të tetorit të vitit 2021, në Indi janë dhënë mbi 110 milionë doza të kësaj vaksine.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama publikon fotot e 18 viteve më parë: Shqiptarët e Greqisë janë një histori krenarie
-
Siljanovska-Davkova fton Begajn të punojnë së bashku në avancimin e marrëdhënieve
-
Kosova nën sanksionet e BE-së shënon Ditën e Evropës pa progres drejt integrimeve
-
Kuvendi miraton 3 projektligjet e rendit të ditës
Lajmet kryesore
-
Krejt çka ndodhi në zgjedhjet në Maqedoni të Veriut, fituesit dhe humbësit
-
Asnjë subjekt i posaçëm i SPAK nuk ka përfituar nga Amnistia, garanton Bardhi
-
Cameron thotë se Britania e Madhe nuk do të ndjekë SHBA-të në ndalimin e shitjeve të armëve në Izrael
-
Kosova nën sanksionet e BE-së shënon Ditën e Evropës pa progres drejt integrimeve