SHBA investoi 1 milion dollarë për ruajtjen e municioneve ushtarake shqiptare

Në dy vjet, Shtetet e Bashkuara të Amerikës kanë investuar 1 milion dollarë për rinovimin e dy tuneleve ku ruhen municionet luftarake në Shqipëri si edhe kanë dhuruar pajisje dhe trajnime për Forcat e Armatosura Shqiptare.

Zëvendësshefi i misionit amerikan në Shqipëri, Demian Smith, së bashku me shefin e Zyrës për Bashkëpunim në Mbrojtje LTC, Erol Munir, morën pjesë në ceremoninë e dhurimit në Batalionin e Inxhinierëve të FA-ve shqiptare.

Deputy Chief of Mission Demian Smith & Chief of the ODC LTC Erol Munir attended a donation ceremony at the Albanian Armed Forces Engineer Battalion. Over the past two years, @US_EUCOM has invested nearly one million dollars for the Albanian Armed Forces 👉 https://t.co/05qwXqqx4z pic.twitter.com/pUClbTyx7o

— USEmbassyTirana (@USEmbassyTirana) October 30, 2021

“Është frymëzuese të shikojmë pas në tridhjetë vitet e fundit dhe të shohim se sa shumë kemi arritur”, tha Smith gjatë fjalës së tij. “Një nga pjesët më të rëndësishme të marrëdhënies sonë ka qenë partneriteti i jashtëzakonshëm në fushën e mbrojtjes”.

Së bashku me shefin e shtabit, Gjeneralmajor Bajram Begaj, ata zbuluan edhe pllakadën e vendosur në hyrje të tuneleve. Në të, qartësisht mes dy flamujve të dy kombeve, është edhe simboli i NATO-s.

“Kush do ta kishte imagjinuar tridhjetë vjet më parë, se sot do të ishim aleatë në NATO dhe ushtritë tona do të bënin kaq shumë së bashku këtu dhe në mbarë botën”, vijoi fjalën e tij Smith.

Nga ana tjetër, Begaj nuk ngurroi të falënderonte SHBA-të për ndihmën e dhënë gjithë këto vite.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.