Një grup ekspertësh i udhëhequr nga Organizata Botërore e Shëndetësisë (OBSH) kanë vizituar tregun Huanan, për të hetuar origjinën e Covid-19, qendrën ku u shfaq për herë të parë Coronavirus-i.
Ekipi ka vizituar spitale dhe tregje, si dhe një ekspozitë që përkujton betejën e Wuhan-it me virusin, e cila izoloi qytetin për 76 ditë.
OBSH-ja njoftoi të premten se, vizitat e organizuar nga mikpritësit kinezë, do të jenë të kufizuara për shkak të masave parandaluese ndaj Coronavirus-it.
Hyrja në tregun Huanan, të prodhimeve të detit, është kufizuar në fillim të vitit të kaluar, pasi katër persona rezultuan të prekur nga një virus i panjohur.
Ekspertët thonë se tregu Huanan ende luan rol kryesor në zbulimin e origjinës së virusit, pasi grupi i parë i rasteve u identifikua atje.
Hetimi i udhëhequr nga OBSH-ja në Wuhan është përfshirë nga vonesat, shqetësimet mbi aksesin dhe grindjet midis Kinës dhe Amerikës. Shtetet e Bashkuara të Amerikës (SHBA) akuzuan Kinën vitin e kaluar, për fshehjen e rasteve fillestare të virusit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Erion Veliaj paraqitet në SPAK për inceneratorin e Tiranës
-
IDF finalizon planet e Rafah, 72 orët vendimtare
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”
