Pavarësisht partneritetit midis “Electronic Arts” (EA) dhe Serie A, katër klube nga kjo ligë nuk do të përfaqësohen zyrtarisht me emrin e tyre në edicionin e ri të videolojës FIFA 22. Bëhet fjalë për skuadrat e Juventus-it, Lazio-s, Roma-s dhe Atalanta-s.
Muajit e fundit është miratuar marrëveshja mes Serie A dhe “Electronic Arts”, e cila do të jetë Partnere Zyrtare e Serie A dhe do të ketë të drejtën e përdorimit të grafikave të logove, topit, lojtarëve dhe trofeve nga ky kampionat në videolojërat e saj.
Por, disa klube kanë krijuar marrëveshje individuale me këto kompani lojërash dhe në rastin konkret katër klubet nga Serie A kanë marrëveshje me “Konami”, i cili prodhon lojën “Pro Evolution Soccer”, që nga ky vit do të quhet “eFootball”.
Në këtë mënyrë, EA Sports nuk ka të drejtën për të përdorur emrin, logon dhe fanellat e këtyre ekipeve.
Klubet në FIFA 22 do të quhen: Juventus – Piemonte Calcio, Lazio – Latium (sipas emrin latin të Rajonit të Lacios), Roma – Roma FC dhe Atalanta – Bergamo Calcio.
Sidoqoftë, me lojtarët nuk do të ndryshojë asgjë, pasi ata do të kenë emrin dhe figurën e tyre, në bazë të marrëveshjes që EA Sports ka me FIfPro (Shoqata Botërore e Futbollistëve).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Apeli i ‘shurdhët’ i Celibashit për mundësimin e votës së diasporës
-
“Reporterët Pa Kufij”: Liria e shtypit në Shqipëri po kërcënohet nga politika
-
Turqia ndalon tregtinë me Izraelin, derisa të ‘lejohet hyrja e pandërprerë e ndihmave në Gaza’
-
Kosova tenton ta bindë BE-në për heqjen e masave ndëshkuese – nëpërmjet fotografive