Grenell i reagon simpatizantit të LVV-së: Taksapaguesit e SHBA-së paguajnë që trupat amerikane të qëndrojnë në Kosovë
“Mbështetësi kryesor i Kurtit në SHBA ofendon SHBA-në. Ia kujtoj Admir Mollës se taksapaguesit e SHBA-së paguajnë që trupat amerikane të qëndrojnë në Kosovë”.
Kështu ka shkruar në Twitter ish-i dërguari i Shteteve të Bashkuara të Amerikës për dialogun Kosovë- Serbi, Richard Grenell, duke i reaguar simpatizantit të Lëvizjes Vetëvendosje, Admir Mollës, i cili një natë më parë kishte shkruar në Twitter se Ambasadori i Shteteve të Bashkuara të Amerikës në Kosovë, Philip Kosnett, nuk duhet të përfshijë vetën në e brendshme të Kosovës, pasi ky i fundit ka thënë se Kosova ka detyrim që ta formojë Asociacionin e komunave me shumicë serbe.
Molla, i cili është pjesë e komunitetit shqiptar në Shtetet e Bashkuara të Amerikës, e që nga publikimet në rrjete sociale shihet që ka kontakte dhe afërsi me kryeministrin e Kosovës, Albin Kurtin, kishte thënë se secili vend ka të drejtë për sovranitetin e vet.
“Amerikanë s’jetojnë në Kosovë. Shumica e tyre kurrë s’kanë dëgjuar për Kosovën. Ambasadori i SHBA-së nuk duhet ta përfshijë veten e tij në punët e brendshme të Kosovës. Secili vend ka të drejtë për sovranitetin e vet pavarësisht madhësisë. Franca e ka çliruar Amerikën, por a është SHBA-ja gjithmonë borgjlike? Jo”, kishte shkruar Molla.
Ndërkaq katër ditë më parë, Ambasadori i Shteteve të Bashkuara të Amerikës në Kosovë, Philip Kosnett, në një intervistë për Radion Kontakt Plus, ka thënë se Kosova ka detyrim që ta formojë Asociacionin e komunave me shumicë serbe, duke shtuar se “unë mendoj se Shtetet e Bashkuara me të vërtetë besojnë se Kosova ka një detyrim për ta formuar Asociacionin e komunave me shumicë serbe”.
Asociacioni i Komunave me Shumicë Serbe
Themelimi i Asociacionit është paraparë me Marrëveshjen e Brukselit të vitit 2013, të arritur mes Kosovës dhe Serbisë. Dy vjet më vonë, të dyja palët janë pajtuar edhe për parimet për themelimin e tij.
Asociacioni i komunave me shumicë serbe parashikohet që të mbledhë rreth vetes dhjetë komuna në Kosovë, ku shumica e popullsisë janë serbë, të cilat janë Mitrovicë e Veriut, Kllokot, Partesh, Ranillug, Graçanicë, Zveçan, Zubin Potok, Novobërdë, Leposaviq dhe Shtërpcë.
Marrëveshja fillestare për Asociacionin e vitit 2013 thekson se Asociacioni do të krijohet me statut dhe strukturat e tij, mbi bazën e statutit të Asociacionit të komunave të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
BE e gatshme të mbrojë ekonominë, i thotë shefja e bllokut Kinës
-
Shqetësime për konflikt interesi rreth eurodeputetëve dhe punëve të tyre të dyta
-
Bajrami, Qeverisë: Ia keni humbur Kosovës 4 vjet – 128 milionë euro më pak investime kapitale
-
Ngjarja tragjike në Shkodër, gjendet trupi i fëmijës së dytë
Lajmet kryesore
-
Veliaj pretendon sërish se ‘takimin me SPAK e ka kërkuar vetë’
-
Ngjarja tragjike në Shkodër, gjendet trupi i fëmijës së dytë
-
BE e gatshme të mbrojë ekonominë, i thotë shefja e bllokut Kinës
-
Kurti, ambasadorëve të QUINT-it: Normalizimi i marrëdhënieve me Serbinë s’duhet të përzihet me anëtarësimin e Kosovës në KiE