Të dielën e 6 qershorit, në Gjermani do mbahen zgjedhje rajonale në Saksoninë-Anhalt. Nga këto votime mund të jepen sinjale të rëndësishme për udhëheqjen e Armin Laschet, pasardhësit të Angela Merkel në krye të CDU-së. Kjo, në funksion të zgjedhjeve politike më 26 shtator.
Në zgjedhjet e fundit në 2016 në këtë rajon lindor, partia e së djathtës ekstreme Alternativa për Gjermaninë (AfD) mori 24 përqind të votave. Ajo u bë partia e dytë më e madhe në rajon pas CDU-së dhe arriti një rezultat që asnjë parti e krahut të djathtë nuk ia kishte dalë dot deri në ato momente.
Saksonia-Anhalt është landi gjerman me të ardhurat më të ulëta për frymë, në të gjithë Gjermaninë. Ajo ka moshën mesatare më të vjetër të popullsisë (47.9 vjet). Ndodhet midis Berlin-it dhe Hanover-it. Ka një popullsi prej 2.2 milionë banorësh dhe një ekonomi të bazuar kryesisht në bujqësi.
Përtej kontekstit lokal të zgjedhjeve, është akoma e rëndësishme që CDU-ja të ruajë pozicionin e saj si partia e parë në land.
Veçanërisht për Laschet. i cili u paraqit si një kandidat i vazhdimësisë së Merkel-it, i pozicioneve të qendrës. Për këtë arsye ai nuk duket se vlerësohet në Gjermaninë Lindore, që janë më të orientuar drejt së djathtës.
Reiner Haseloff, një anëtar i CDU-së dhe president i Saksonisë-Anhalt, mbështeti një kandidat tjetër dhe jo Laschet.
Saksonia-Anhalt qeveriset aktualisht nga një koalicion midis CDU-së, SPD-së dhe të Gjelbrit. Gjatë fushatës elektorale Laschet u përpoq të merrte më shumë vota për partinë e tij duke përdorur përgënjeshtrimin e një fitoreje të AfD-së.
“Kushdo që dëshiron të sigurohet se kemi struktura të qarta demokratike në Saksoninë-Anhalt duhet të votojë për Reiner Haseloff në mënyrë që CDU-ja të jetë partia më e fortë dhe AfD-ja në vendin e saj, pra në opozitë”, tha Laschet të martën në radio Deutschlandfunk.
Sipas një sondazhi të nxjerrë të enjten, CDU-ja do të ketë 30 përqind të mbështetjes në rajon, AfD-ja 23 përqind.
Marrë dhe Përshtatur nga Il Post për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ish-piloti i Marinës amerikane i arrestuar në Australi ka punuar me hakerët kinezë, thotë avokati
-
Hetimi ndaj Trump | Johnson: Do ta mbajmë përgjegjës Smithin për abuzimet
-
Vdes njeriu që kishte transplantuar për herë të parë veshkën e derrit
-
Zimmerman: Kosova mund të pranohet në Këshillin e Evropës si anëtare e asociuar
Lajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Putin shkarkon Shoigun dhe cakton një ministër të ri Mbrojtje, në mes të luftës
-
Zimmerman: Kosova mund të pranohet në Këshillin e Evropës si anëtare e asociuar