Autorizimi i kryesues së delegacionit malazez në KiE për të votuar kundër anëtarësimit të Kosovës, DPS: A i mbështet Qeveria pikëpamjet e Knezheviç-it?
Partia Demokratike e Socialistëve në Mal të Zi (DPS) – partia më e madhe opozitare – ka reaguar pasi që Partia Popullore Demokratike (DNP), ka autorizuar Maja Vukiçeviç-in, deputete e kësaj partie në kuvendin malazez, njëherit kryesuese e delegacionit malazez në Asamblenë Parlamentare të Këshillit të Evropës, që të votojë kundër anëtarësimit të Kosovës në KiE.
Përmes zëdhënësit të saj, Millosh Nikoliç, DPS-ja ka kërkuar nga ekzekutivi malazez, që drejtohet nga Milojko Spajiç, që të tregojë qëndrimin e tij sa i përket anëtarësimit të Kosovës në KiE, dhe se a është unike politika e jashtme malazeze, pasi që DNP-ja është pjesë e koalicionit qeverisës.
“Nëse dikush nuk ka rrëmbyer Ministrinë e Punëve të Jashtme, ose nëse nuk është rikthyer në ambientet e fabrikës që sot, do të ishte e dobishme ta shpallni. A i mbështet Qeveria këto pikëpamje të [kryetarit të DNP-së, Milan] Knezheviç-it? A ka Mali i Zi një politikë të jashtme unike”, pyeti Nikoliç në rrjetin X.
(1/2) Ako neko nije oteo MVP ili ako se od danas nije vratio na fabrička podešavanja bilo bi korisno da se oglasi. Da li Vlada podržava ovakve stavove Kneževića? Da li #CrnaGora 🇲🇪 ima jedinstvenu spoljnu politiku? pic.twitter.com/cXsFLkTELF
— Miloš Nikolić (@portparoldps) March 23, 2024
Ndryshe, Partia Demokratike Popullore në Mal të Zi (DNP) – e njohur për orientimin e saj pro ruso-serb – ka autorizuar Maja Vukiçeviç-in, deputete e kësaj partie në kuvendin malazez, njëherit kryesuese e delegacionit malazez në Asamblenë Parlamentare të Këshillit të Evropës, që të votojë kundër anëtarësimit të Kosovës në KiE.
Vendimi është marrë të shtunën në seancën e Komitetit Kryesor të DNP-së, e cila ka filluar me një minutë heshtje për shkak të sulmit terrorist në Moskë, në të cilin mbetën të vrarë mbi 100 persona.
“Në seancë u shpreh përkrahja e plotë për nënkryetaren Maja Vukiçeviç, kryetare e delegacionit malazez në Asamblenë Parlamentare të KiE, që të votojë kundër pranimit Kosovës në Asamblenë Parlamentare të Këshillit të Evropës”, thuhet në njoftimin e DNP-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”