Zyrtarët e klubit të Sampdoria-s kërcënohen me jetë

Skuadrës së Serie A, Sampdoria-s iu dërgua një zarf bosh me një predhë armë gjahu brenda si dhe një letër me një kërcënim.

“Këtë herë është bosh, herën tjetër do të jetë reale”, thuhej në letër.

Incidenti ndodhi në selinë e klubit në Corte Lambruschini dhe mesazhi iu drejtua Edoardo Garrone, ish-presidenti i klubit dhe Massimo Ferrero, aksioneri kryesor i klubit që nga viti 2014.

Divizioni i përgjithshëm i hetimeve dhe operacioneve speciale, i cili është pjesë e Ministrisë së Brendshme, po heton origjinën e kërcënimit.

Sampdoria aktualisht është e dyta nga fundi në Serie A me nëntë pikë dhe shanset e tyre për të mbijetuar janë të pakta me skuadrën nëntë pikë larg zonës së sigurisë.

Një situatë e vështirë sportive që është shtuar nga problemet financiare të klubit, për të cilat tifozët fajësojnë drejtuesit Garrone-Ferrero.

Ferrero, i cili është në krye që nga viti 2014, fajësohet për problemet financiare, ndërsa Garrone fajësohet për zgjedhjen e dobët për të lënë Ferreron si pasardhësin e tij në krye.

Më herët të hënën në mëngjes, një grup prej 70 tifozësh protestuan kundër të dyve në selinë e grupit “ERG”, presidenti i të cilit është Garrone.

Sipas raportimeve të mediave lokale, tifozët ndezën bomba tymi dhe vendosën një pankartë me mesazhin “Garrone-Mondini, turp për ju”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.