Zgjedhjet në Kroaci: Me afër 50% e votave të numëruara partia e Plenkoviç-it ka 64 mandate, e Milanoviç-it 42
Me 46,19 për qind të votave të numëruara, partia e kryeministrit aktual të Kroacisë, Andrej Pelnkoviç, është duke prirë dukshëm, e ndjekur nga koalicioni që drejtohet nga presidenti kroat, Zoran Milanoviç.
Me këto vota të procesuara, Komisioni Qendror i Zgjedhjeve në Kroaci, ka bërë të ditur se partia e Plenkoviç-it ka siguruar 64 mandate, i ndjekur nga koalicioni i SDP-së, që udhëhiqet nga Milanoviç, me 42 mandate.
“Domovinksi Pokret” me këto vota të numëruara ka siguruar 13 mandate, ndjekur nga “Most” me 9, derisa deri më tani partia “Mozemo” ka 7 ulëse në parlament dhe “IDS” ka siguruar vetëm 4 mandate.
Ndryshe, rreth 450,000 votues, më shumë se katër vjet më parë, votuan të mërkurën pasdite në zgjedhjet e 11-ta parlamentare të Kroacisë.
Fushata zgjedhore ka qenë e ashpër në mes të Plenkoviç-it dhe Milanoviç-it me akuza dhe kundër akuza ndaj njëri tjetrit.
Plenkoviç ka akuzuar vazhdimisht Milanoviç-in se është “pro-rus” për shkak të kritikave të tij për mbështetjen e BE-së për Ukrainën kundër pushtimit të Rusisë, si dhe kundërshtimin e tij për trajnimin e ushtarëve ukrainas në Kroaci, e cila është një anëtare e NATO-s.
Nga ana tjetër, Milanoviç u kërkonte qytetarëve kroatë që “të dalin dhe të votojnë për këdo përveç HDZ”, derisa Plenkoviç-in e cilësonte si “kumbarin e krimit”.
Parlamenti i Kroacisë ka 151 deputetë, ndërsa për ta formuar qeverinë e re duhet shumicë e thjesht, pra një më shumë gjysma e tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti s’përgjigjet nëse ka folur me Mickoskin për ndryshimet kushtetuese: Do jemi pjesë e qeverisë
-
Moska: “Jo urdhërarrest për Netanyahun? SHBA është hipokrite”
-
Zëvendësministri ftohet nga Prokuroria Speciale pas nënshkrimit të ‘kontratave të dyshimta’ për rrugën Prishtinë – Podujevë
-
Policia thotë se 13-vjeçari i plagosur në sulmin në Hainault ka vdekur
Lajmet kryesore
-
Hasani thotë se Shqipëria pret dritën jeshile nga BE për Konferencën e Dytë Ndërqeveritare
-
Gjykata rrëzon kërkesën e Bardhit për të çregjistruar Bashën si kryetar i PD-së
-
Orë vendimtare për armëpushimin dhe pengjet, gjithçka varet nga Hamasi
-
Kurti në BBC: Kosova s’e lejon dinarin e Millosheviçit – Serbia deshi të provokojë luftë në Banjë