Yuri Kim: Rama më ka siguruar se Doshi nuk do të ketë asnjë rol në asnjë qeveri

Ambasadorja e Shteteve të Bashkuara (SHBA) në Tiranë, Yuri Kim, i dha fund hamendësimeve lidhur me kandididimin e Tom Doshit në zgjedhje.

Rikujtojmë se Doshi është  kryetari i Partisë Social Demokrate (PSD) dhe kandidon në këtë parti në zgjedhjet e 25 prillit.

Yuri Kim shkruan në Twitter se Kryeministri i Shqipërisë, Edi Rama,  i kishte kujtuar se e kishte përjashtuar këtë person nga Partia Socialiste (PS).

Ambasadorja qartësoi se kreu i qeverisë e ka siguruar që, Doshi, nuk do të ketë  asnjë rol në asnjë qeveritë që Rama formon.

“Në fakt, Kryeministri më kujtoi se e kishte përjashtuar personalisht këtë person nga Partia Socialiste”, shkruan Yuri Kim.

Let me end the speculation: PM @ediramaal & I have a clear understanding of what this designation means. In fact, the PM reminded me that he had personally expelled this person from the Socialist Party. He emphasized that this person would have no role in any government he forms. https://t.co/KmfEECp0Gv

— Ambassador Yuri Kim (@USAmbAlbania) February 11, 2021

Pak ditë më parë ambasadorja e Shteteve të Bashkuara në Tiranë reagoi në Twitter duke thënë se personat që janë pjesë e listës së zezë në Departamentin e Shtetit në SHBA, nuk duhet të kandidojnë në zgjedhje.

Që prej vitit 2018 Tom Doshi përfshihet në listën e zezë të Departamentit të Shtetit. “Me siguri, votuesit shqiptarë meritojnë më mirë se kjo”, shkruante Kim në atë kohë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.