Në një ceremoni shtetërore të mbajtur të hënën pasdite xhudistes Majlinda Kelmendi, i është ndarë urdhri “Shote Galica” nga presidentja e Kosovës, Vjosa Osmani.
Në fjalimin e saj, Osmani ka thënë se “Kelmendi me të drejtë cilësohet si legjendë e sportit të xhudos”.
“Me të drejtë konsiderohet heroinë e Kosovës. Me tri dekada të jetës së saj, Majlinda u bë fytyra e Kosovës së sotme, që e bëri shtetin tonë të tillë çfare e duam. Flamuri kaltër e verdhë valojë majave karshi flamujve të shteteve më të mëdha anekënd globit fal Majlindës”, tha Osmani.
Sipas Osmanit, Kelmendi vazhdon të jetë frymëzim për vajzat e Kosovës dhe përtej Kosovës.
“Majlinda Kelmendi është më shumë sesa çmimet që fitoi. Pa Majlindën e guximin e saj për pushtimin e horizonteve të reja, pa modelin që ua dha të rinjve tanë, nuk do të kishim sot Distrian, Norën dhe shumë vajza tjera”.
Suksese fitueses së medaljes së artë në Lojërat Olimpike Verore në Rio të vitit 2016, i dëshiroi presidenti i Federatës Ndërkombëtare të Xhudos (IJF), Marius Vizer, përmes një video-mesazhi.
“Jemi krenarë për arritjet e saj dhe përmirësimin e rezultateve të Federatës së Xhudos dhe të gjithë njerëzve përreth Federatës së xhudos. I dëshiroj suksese dhe e falënderoj për zhvillimin e xhudos në Kosovë”, theksoi Vizer.
Ndërkaq Presidenti i Federatës së Xhudos së Kosovës, Agron Kuka, ka thënë se Majlinda e ka drejtuar Kosovën drejt triumfeve edhe në shtetet që nuk e kanë njohur Kosovën.
“Je t’i Majlinda që gjatë këtyre viteve na drejtove drejt triumfit të Kosovës edhe në shtetet që nuk na njihnin. Ti jo vetëm që e bëre krenar shtetin tënd, por edhe u bëre udhërrëfyese edhe për kampionet tjera. Uroj dhe besoj se puna jote në profesionin tënd të ri, do t’i sjellë Kosovës suksese me gjenerata të reja”, ka potencuar Kuka.
Kelmendi kishte të arritura të mëdha në karrierën e saj të xhudos, ku në arenën ndërkombëtare ka koleksionuar 46 trofe të rëndësishme në këtë sport.
32 medalje të arta, gjashtë të argjendta dhe tetë të bronzta, janë sukseset e 30 vjeçares deri më tani.
Medaljen e parë, Majlinda e fitoi në vitin 2009, atë të e artë në Kampionatin Botëror të Juniorëve në Paris.
Pastaj, në vitin 2010, ajo doli e pesta në Kampionatin Botëror të Juniorëve në Marok dhe përfundoi e nënta në kategorinë 52 kg në Kampionatin Botëror të Xhudos 2010 në Tokio.
Kurse, në Kampionatin Botëror të xhudos në vitin 2013, Majlinda i dha Kosovës titullin e parë botëror, duke triumfuar në kategorinë deri në 52 kilogramë në Rio de Zhaneiro.
Derisa, një vit më vonë ajo arriti të mbrojë titullin, duke u shpallur përsëri kampione e botës në Rusi.
Pas sukseseve të arritura në vitin 2014, ajo nuk arriti të mbrojë përsëri titullin kampion, pasi që pësoi një dëmtim.
Pastaj në vitin 2016 ajo fitoi medaljen e artë në Grand Slam-in e mbajtur në Paris, duke e bërë titullin e saj të tretë radhazi pasi e fitoi në 2014 dhe 2015.
Dy muaj më vonë, ajo fitoi një medalje të artë në Kampionatin Evropian të xhudos në Kazan, Rusi.
Ndërsa në vitin 2016, ajo i solli medaljen e parë të artë Kosovës, duke dalë e para në Lojërat Olimpike Verore në Rio të vitit 2016.
Kurse, në pjesëmarrjen e fundit në Lojërat Olimpike “Tokyo 2020”, Majlinda nuk pati sukses, duke u eliminuar që në raundin e parë.
Këto ishin vetëm disa nga të arriturat e Majlinda Kelmendit, ndërsa pas pensionimit, ajo pritet të vazhdojë punën si trajnere në xhudo, përkrah trajnerit të saj, Driton Kukës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE