Një krokodil prej katër metrash besohet të ketë sulmuar një peshkatar të zhdukur në Queensland të veriut. Ndaj autoritetet australianë e kanë kapur dhe vrarë, pasi rreth tij u gjetën mbetje njerëzore.
Policia dhe oficerët e botës së egër kishin kërkuar për 69-vjeçarin e zhdukur që kur ai shkoi për të peshkuar në një përrua në ishullin Hinchinbrook.
Burri duhej të kthehej pas një ore, por nuk arriti të kthehej e as nuk mund të kontaktohej nga radio. Ndaj gruaja e tij njoftoj policinë.
Anija e tij u gjet e dëmtuar dhe e përmbysur në Gayundah Creek në anën jug-perëndimore të ishullit, e vendosur midis Cairns dhe Toënsville.
Dëmtimi i anijes tregoi se ishte “shumë e mundshme” që të ishte sulmuar nga një krokodil, tha Departamenti i Mjedisit dhe Shkencës (DES).
Eshtrat e tij u gjetën në zonë nga oficerët e botës së egër, konfirmoj policia e Queensland në një deklaratë.
“Në këtë fazë, policia beson se mbetjet janë të njeriut të zhdukur, megjithatë do të kërkohet testimi mjeko-ligjor për të konfirmuar këtë,” tha ajo.
Kërkimi për më shumë mbetje vazhdon, por oficerët e botës së egër kanë gjetur një krokodil katër metra afër vendit ku u gjet varka e burrit.
“Oficerët e kanë bërë eutanizimin njerëzor të kafshës dhe ajo është transportuar përsëri në kontinent,” tha një deklaratë e DES.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Princi William viziton një shkollë angleze me qëllim të trajtimit të stigmës ndaj shëndetit mendor
-
Mësueset e shkollës fillore të Taylor Swift e kujtojnë atë si një “nxënëse që e kishte yllin në ballë”
-
Sean ‘Diddy’ Combs i përgjigjet akuzuesit Rodney Jones duke zbuluar problemet e tij ligjore të së kaluarës
-
Rebel Wilson pretendon se një anëtar i familjes mbretërore fshihet pas organizimit të festave të shfrenuara me orgji dhe drogë
