Von der Leyen fshehu raportin për shkeljen e lirisë së mediave në Itali, për të marrë mbështetjen e Melonit

Ursula von der Leyen ka kërkuar të ngadalësojë publikimin e një raporti zyrtar të Bashkimit Evropian që kritikon Italinë për shtypjen e lirive të medias.

Kjo pasi ajo kërkon mbështetjen e Romës për një mandat të dytë si presidente e Komisionit Evropian.

Sipas katër zyrtarëve – të cilët kanë folur me Politico – një hetim i Komisionit thekson një shtypje të medias së lirë në Itali që kur kryeministrja e ekstremit të djathtë, Giorgia Meloni mori detyrën në vitin 2022.

Raporti vjetor që vlerëson se si vendet e BE-së respektojnë sundimin e ligjit pritej të miratohej më 3 korrik, por do të shtyhet derisa të emërohet presidenti i ri i Komisionit, thanë dy zyrtarë.

Vonesa është e pazakontë dhe rreziku për von der Leyen është se do të duket i motivuar politikisht.

Ajo aktualisht po kërkon mbështetjen e liderëve të BE-së si Meloni për përpjekjen e saj për të siguruar një mandat të dytë pesë-vjeçar për të drejtuar ekzekutivin e bllokut.

Ky është një raport vjetor mbi kushtet e shtetit të së drejtës në vendet anëtare të veçanta, në dimensionet e tij të ndryshme, duke përfshirë atë themelor të lirisë së shtypit.

Presidentja, e cila këtë mbrëmje, në darkën joformale të liderëve në Bruksel, mund të kurorëzohet edhe për pesë vite të tjera, duhet të mbërrijë për votimin e ratifikimit në Parlament.

Aritmetika i jep shpresë, sepse koalicioni i ka numrat në letër dhe do t’i lejonte asaj ta bënte pa Fratelli d’Italia.

Por nuk është aq e dukshme, duke qenë se në vitin 2019 votimi i fshehtë pati disa surpriza.

Raporti, në këtë pikë, do të mbërrijë pas kalimit në Kuvend, rreth gjysmës së dytë të korrikut.

Dhe do të konfirmojë atë që ka ndodhur gjatë muajve të fundit, edhe falë punës së organizatave të financuara nga komisioni.

Italia është nën vëzhgim të veçantë.

Dhe hyrja në fuqi e Aktit për Lirinë e Medias mund të komplikojë shumë marrëdhëniet me Brukselin.

Rai, gjithnjë e më shumë në duart e qeverisë dhe shumicës së qendrës së djathtë, rrëmuja mbi censurën ndaj shkrimtarëve si Roberto Saviano dhe Antonio Scurati.

Dhe sërish kërcënimet ndaj gazetarëve, ankesat e pamatura, hetimet e hapura ndaj gazetarëve të Il Domanit.

Përkeqësimi i marrëdhënieve mes shtypit dhe pushtetit është krahasuar me kufizimin e lirive në Hungarinë joliberale të Viktor Orbanit, mikut dhe aleatit të Melonit.

Të dy po takohen aktualisht në Bruksel për të krijuar një strategji të përbashkët dhe për të shmangur izolimin në emërimet e larta të institucioneve evropiane.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.