Kompania e telekomunikacionit, Vodafone, ka zbuluar se ka bashkëpunuar me Amazon Web Services për të nisur shërbimet “edge computing” për klientët e saj të biznesit në Mbretërinë e Bashkuar.
Agjencia e lajmeve, Reuters, tregon se “edge computing” përdor realitetin e shtuar vetë-aftësimin për të analizuar një sasi të dhënash ga atje ku janë mbledhur. Kjo përpara se të zhvendosen në server-at e largëta në cloud.
Por, në mënyrë që shërbimi i ri të punojë, ka nevojë për transferime të shpejta të të dhënave, të atij lloji që do të sigurojë rrjeti 5G.
Kjo lëvizje e kompanisë pason provat e kryera me kompani nga një sërë fushash, përfshirë teknologjinë sportive, transportin autonom, sigurinë biometrike, realitetin e largët virtual dhe automatizimin e fabrikës.
Vodafone-i ka deklaruar se në kushte optimale, vonesa kohore e nevojshme që të dhënat të udhëtojnë midis dy pikave mund të jetë 10 milisekonda, e ulët krahasuar me një mesatare prej 75 milisekondash për 4G-në.
“Edge Compute dhe 5G-ja janë një kombinim që asnjë ofrues tjetër i shërbimit nuk mund të japë në Evropë, çka do të thotë se ne mund të ofrojmë diçka unike për klientët tanë”, është shprehur Anne Sheehan, drejtoreshë biznesi te Vodafone UK.
Ajo ka shtuar se “tashmë kemi pasuar me shërbime të reja duke u zhvilluar nga gjykuesit tanë dhe se potenciali për ide krejtësisht të reja të mundësuara nga ky kombinim është masiv”.
Në fillim, kompania do të ofrojë shërbime me vonesë të ulët për klientët në Londër dhe zonën përreth, si dhe qytete të tjera duke përfshirë Oxford-in, Cambridge-in, Bristol-in dhe Cardiff-in.
Reuters shkruan se në Skoci dhe rajonet veriore të Anglisë, shërbimi do të merret në vitin 2022. Ndërkohë, Amazon Web Services disponon shërbime të përparuara në Tokio, Daejeon, Korenë e Jugut dhe 10 qytete në të gjithë Shtetet e Bashkuara të Amerikës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
