![](https://albanianpost.com/wp-content/uploads/2022/05/teyrty.jpg)
Një ngjarje e rëndë ka ndodhur gjatë ditës së sotme në komisariatin e Policisë në Kavajë, ku një 31-vjeçar është vetëvarur në dhomat e izolimit.
Mësohet se shtetasi I.M ishte ndaluar ditën e sotme, në orën 15:50 pasi Gjykata kishte vendosur ndaj tij masën e sigurisë “Arrest në burg”, për vjedhje.
Sipas informacioneve paraprake, bëhet me dije se grupi i dhomës së paraburgimit ka tentuar të japë ndihmën e parë, por ka qenë e pamundur pasi i riu kishte ndërruar jetë.
Viktima ishte emër i njohur për policinë dhe i shoqëruar disa herë.
Autoritetet njoftojnë se është ngritur një grup i posaçëm hetimor nën drejtimin e Prokurorisë së Rrethit Gjyqësor Kavajë i cili ndodhet në vendngjarje dhe po punon për sqarimin e rrethanave të ngjarjes.
Pas ngjarjes ka pasur një reagim nga deputeti demokrat, Dashnor Sula i cili thekson se “burimet më konfirmojnë se i riu nuk ka vrarë veten por ai ka ndërruar jetë si pasojë e dhunës barbare që kanë ushtruar punonjësit e policisë”.
“I bëj thirrje Prokurorisë që të zbardhin ngjarjen me profesionalizëm dhe pa lejuar manipulimin e provave. Opozita po ndjek me vëmendje ngjarjen dhe inkurajojmë organin e akuzës që të bëjnë punën në mënyrë të pavarur”.
Kujtojmë që më 28 mars, shtetasi Arben Mici dyshohej se i vuri zjarrin qelisë në Komisariatin e Kamzës ku për pasojë humbi dhe jetën për shkak të plagëve të marra.
Mendohet se 26-vjeçari e thuri planin e zjarrvënies bashkë me të arrestuarin tjetër, Dilaver Idrizin, me qëllimin për t’u arratisur. Autoritetet nuk përjashtojnë as pistën e një veprimi të 26-vjeçarit në gjendje të rënduar psikologjike, pasi më parë ai kishte tentuar vetëvrasjen.
Sipas një raporti të fundit të Këshillit të Evropës (SPACE I – 2021), burgjet në Shqipëri kanë një nga nivelet më të larta të vetëvrasjeve në Evropë, krahas vendeve si Franca, Britania dhe Italia.
Raporti SPACE I – 2021, rendit 49 administrata të ndryshme burgjesh në të gjithë Evropën.
Më 31 janar të vitit 2021, në institucionet penale të Këshillit të Evropës ishin 1 milion e 414 mijë e 172 të burgosur.
Shkalla e vdekshmërisë në burgjet evropiane në vitin 2020 ishte 29 të burgosur për 10 mijë të tillë.
Ndërsa ajo e vetëvrasjeve ishte 5.7 të burgosur për 10 mijë të tillë.
Burgjet shqiptare dëshmuan 10 vetëvrasje për 10 mijë të burgosur.
Kjo statistikë e rendit Shqipërinë në vendet me shkallë shumë të lartë të vetëvrasjeve në burgje (25 për qind më e lartë se mesatarja evropiane).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Policia e Vlorës nis patrullimin me jet ski gjatë vijës bregdetare
-
Shqipëria në stërvitje intensive përpara Kroacisë, Asani kthehet me ekipin
-
Raportohen dy vatra zjarri në Shqipëri, pas rritjes së temperaturave
-
Basha sulmon sërish Berishën: Je në pazar me Ramën, sqaro demokratët për pengimin që i bën opozitës
Lajmet kryesore
-
Basha sulmon sërish Berishën: Je në pazar me Ramën, sqaro demokratët për pengimin që i bën opozitës
-
Shqipëria në stërvitje intensive përpara Kroacisë, Asani kthehet me ekipin
-
Von der Leyen fshehu raportin për shkeljen e lirisë së mediave në Itali, për të marrë mbështetjen e Melonit
-
BE-ja e kategorizon “spekulim” optimizmin e Bislimit për heqjen e masave