Vazhdojnë betejat e përgjakshme midis forcave të sigurisë dhe bandave të armatosura në rrugët e kryeqytetit të Venezuelës, Caracas.
Asnjë numër zyrtar i të vdekurve nuk ёshtё raportuar deri tani, por mediat lokale thonë se më shumë se 10 njerëz janë vrarë që prej fillimit tё luftimeve ditёn e mërkurë.
Qindra oficerë janë vendosur nё sekuestrimin e armёve dhe nё kёrkim tё drejtuesve tё bandave, të cilët kërkojnё të zgjerojnë territorin e tyre. Rreth 800 forca të sigurisë u raportua se po kryenin kontrolle shtëpi më shtëpi.
Një banor lokal i përshkroi pamjet “si të një lufte”.
Po ashtu imazhet e shpërndara në mediat sociale ditёn e premte, tregonin plumba të shpёrndarё gjithandej, nё lagjen Cota 905.
Në një prononcim për media, Ministri i Brendshëm Carmen Melendez tha, se oficerët kishin liruar qytetarët e rrëmbyer nga bandat dhe se nuk do tё tёrhiqeshin deri kur kjo tё ishte e nevojshme.
Qeveria e Venezuelës ka ofruar gjithashtu shpërblime deri në 500 mijё dollarё për çdo informacionin që çon në kapjen e bosëve të bandave.
Nga ana tjetër, grupet lokale të të drejtave të njeriut bënë thirrje për një de-përshkallëzim të dhunës, duke shprehur “shqetësimin e thellë për jetën dhe sigurinë” e banorëve vendas.
Ndërsa të shtënat duket se momentalisht kanë pushuar, dhjetëra civilë janë larguar nga shtëpitë e tyre, të frikësuar nga tё shtёnat e mundshme.
Operacioni shënon herёn e parё tё njё sulmi tё pёrmasave tё tilla që autoritetet kanë kryer kundër bandave, sipas raportimeve të medias vendase AFP.
Qeveria akuzon opozitën, e cila sipas saj ka orkestruar dhunën me ndihmën e fuqive të huaja, me qëllimin e “sabotimit” të presidentit venezuelan, Nicolas Maduro.
Megjithatë mediat e opozitës shprehin të kundërtën duke i’a bashkangjitur fajin qeverisë në pushtet.
Një një editorial nga “El Nacional”, shkruhej se forca e bandës ishte “rezultat i qeverisë që u dha kriminelëve të gjitha llojet e përparësive”.
Situata në Venezuelë ka qenë problematike për vite me rradhë.
Politika pёr vite me rradhё në vend është pakënaqshme, shteti po vuan një hiperinflacion i rëndë me ndёrprerje të energjisё dhe mungesat nё ushqime dhe ilaçe.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Libia ndërhyn në çështjen e gjenocidit të Afrikës së Jugut kundër Izraelit në GJND
-
Rohde thotë se Kosova s’është në agjendën e Komitetit të Ministrave të KiE-së, kërkon që Qeveria të marrë “vendim të guximshëm”
-
Shefi i të drejtave të OKB-së kërkon rihapjen e vendkalimeve të ndihmës në Gaza
-
Të paktën 50 të vdekur nga përmbytjet në Afganistan
Lajmet kryesore
-
Sadushi: S’duam lëmoshë, të plotësohen detyrimet për gjyqësorin
-
Mungesa e fuqisë punëtore, Shqipëria në negociata për të marrë 40 mijë punonjës të huaj
-
OKB mbështet kërkesën palestineze për anëtarësim, Shqipëria abstenon
-
Rohde thotë se Kosova s’është në agjendën e Komitetit të Ministrave të KiE-së, kërkon që Qeveria të marrë “vendim të guximshëm”