Blerim Vela – shefi i kabinetit të presidentes, Vjosa Osmani, përmes një postimi në rrjetin e tij social në Twitter, ka komentuar protestën e gjashtë me radhë në Beograd e thirrur nga opozita serbe, me sloganin “Serbia kundër dhunës”, kjo pas dy ngjarjeve tragjike që ndodhën në muajin e kaluar në Serbi, ku mbetën të vrarë dhjetëra persona.
Këto protesta, sipas Velës, kanë treguar se pretendimet paranojake të regjimit të presidentit të Serbisë, Aleksandër Vuçiç, se Kosova po nxit protesta, janë të pavërteta, meqë populli i Serbisë e ka cilësuar këtë si propagandë dhe ka dalë në rrugë masovikisht.
Siç kanë raportuar mediat serbe në këtë protestë kanë marrë pjesë mbi 50 mijë qytetarë serbë.
“Kjo tregon qartë se fjalët e Vuçiqit dhe makineria e tij propagandistike nuk kanë më peshë”, ka shkruar fillimisht Vela në Twitter.
“Qoftë Maidan apo Pranvera Serbe, protestat vazhdojnë derisa Vuçiq të adresojë kërkesat e protestuesve”, ka shkruar ndër të tjera Vela.
Despite Vučić’s regime's paranoid claims that Kosovo is instigating protests, the people of Serbia have seen through this propaganda and turned out in huge numbers yesterday!
This clearly shows that Vučić’s words and his propaganda machinery hold no weight anymore.
— Blerim Vela (@Blerim_Vela) June 10, 2023
Një nga kërkesat e protestuesve serbë është edhe dorëheqja e presidentit të Serbisë, Aleksandër Vuçiç.
Përveç kësaj, në mesin e kërkesave është edhe dorëheqja e drejtorit të policisë serbe, Bratislav Gashiç, dhe e drejtorit të Agjencisë së Informacionit dhe Sigurisë serbe (BIA), Aleksandër Vulin.
Ata janë duke kërkuar edhe zëvendësimin e trupit rregullativ për mediat elektronike, mbylljen e tabloideve që, sipas tyre, bëjnë thirrje për dhunë, dhe për tërheqjen e frekuencave për televizionet “Pink” dhe “Happy”.
“Vuçiç largohu”, dhjetëra mijëra pjesëmarrës në protestën e gjashtë të opozitës serbe
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Interpelanca me ministrin e Brendshëm, Salianji: Cili është plani për të luftuar krimin?
-
Gërvalla falënderon Estonin për mbështetjen e Kosovës në Këshillin e Evropës
-
Qytetarët pankartë në Kuvend, kërkojnë votën e diasporës
-
Bardhi: Keni refuzuar çdo kërkesë të PD për interpelancë me Ramën, Çuçi: S’ka asgjë urgjente
Lajmet kryesore
-
“Jam i gëzuar që do bashkëpunoj me një profesor si Mickoski – kemi program fantastik me VMRO-në”, Arben Taravari intervistë për Albanian Post
-
Strategji kombëtare kundër emigracionit, Balla: Synojmë të frenojmë kërkesat për azil
-
Në ujërat greke, aty ku vendet evropiane mësojnë të luftojnë pa ndihmën amerikane
-
Bardhi: Keni refuzuar çdo kërkesë të PD për interpelancë me Ramën, Çuçi: S’ka asgjë urgjente