Ish-kryetarja e Komisionit Qendror të Zgjedhjeve, Valdete Daka, ka deklaruar se Avokati i Popullit ka marrë anën e më të fortit. Ajo më 27 tetor i ishte drejtuar Avokatit të Popullit me kërkesë për ta shqyrtuar shkarkimin e saj nga Presidentja e Kosovës, Vjosa Osmani.
Por që, e njëjta kërkesë është refuzuar.
Megjithatë, edhe përkundër vërejtjeve nga ana e Bashkimit Evropian, Avokati i Popullit konstaton se vendimi për shkarkim e kryetares së KQZ-së përcaktohet me ligj.
“Unë ende nuk e kam këtë vendim të Avokatit të Popullit, nuk e di në çka është thirrur ky vendim. Është për të ardhur keq kur institucioni i vetëm të cilit unë kam mundur t’i drejtohem dhe ndërmjet të cilit kam mundur ta di se a ka qenë i drejtë shkarkimi im apo jo është i heshtur”.
“Avokati i Popullit është institucioni i cili duhet t’i mbrojë të drejtat dhe liritë e njeriut, në këtë rast si duket ka marrë anën e atyre që janë më të fortë”, është shprehur ajo në një intervistë për ATV.
Daka besonte që pas gjashtë muajve kjo çështje do të procedohet në Gjykatën Kushtetuese.
“Konsideroj që pas këtyre raporteve që kanë dal nga BE-ja edhe Avokati i Popullit ka bazë ligjore që kërkesën time ta shqyrtojë në Gjykatën Kushtetuese”.
Ajo tha se deri tani ka pritur se kjo çështje do të ngrihet nga deputetët e Kuvendit.
“Kam prit, pasi kam konsideruar që deputetët do t’i mbledhin nënshkrimet dhe do ta kërkojnë vlerësimin e kushtueshmërisë, por deputetët nuk kanë pas shumë gatishmëri”.
“Por edhe për shkak të zgjedhjeve nuk kam dashur që askush të mos e përdor për çështje politike”.
Ndërkaq, më 14 qershor të këtij viti, një ditë pas shpalljes së datës së Zgjedhjeve Lokale, Presidentja e Kosovës, Vjosa Osmani ka shkarkuar nga pozita e Kryesueses së KQZ-së, Valdete Dakën.
Në fillim ajo e kishte ftuar Dakën në zyrën e saj për të biseduar, ku i kishte kërkuar që “ose të jepte dorëheqje dhe të marrë mirënjohje, ose do ta shkarkonte”.
Daka më pas në një konferencë për medie nuk e kishte pranuar dorëheqjen.
Ky ka qenë mandati i dytë i Dakës në KQZ, nga i cili kishte konsumuar vetëm një vit dhe kishte edhe katër vite të tjera përpara.
Si udhëheqëse e KQZ-së, Daka ishte emëruar në vitin 2010.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit