Thomas Tuchel është kandidat kryesor për ta marrë drejtimin e kombëtares së Anglisë.
Trajneri gjerman është i papunë, që prej se u shkarkua nga posti i trajneri të Chelsea-t në fillim të këtij sezoni.
Pas një nisjeje aspak të mirë me Chelsea-n në Premier League dhe në Ligën e Kampionëve, Tuchel u shkarkua nga posti i trajnerit dhe vendin e tij e mori Graham Potter.
Dhe, sipas asaj që shkruajnë mediat angleze, ish-trajneri i Dormund-it mund ta marrë drejtimin e kombëtares së “tre luanëve”.
Megjithatë, kjo nuk do të ndodhë para Kupës së Botës që do të fillojë për më shumë se një muaj në Katar.
Mirëpo, varet e gjitha prej rezultateve të trajneri aktual të Anglisë, Gerath Southgate, i cili mund të shkarkohet pas Botërorit në rast të rezultateve të dobëta.
Sa i përket formës momentale, Anglia nuk ka kaluar në periudhë aq të mirë. Në Ligën e Kombeve ata zbritën një nivel më poshtë, pra nga Liga A në Ligën B.
Anglia barazoi dy sfidat me Gjermaninë, u mund nga Italia dhe në shtëpi u deklasua nga Hungaria me rezultatin 4:0.
Megjithatë, “tre luanët” në drejtimin e Southgate në dy turne kryesorë pati ecuri për t’u vlerësuar.
Në Kupën e Botës “Rusi 2018” arriti në gjysmëfinale, ndërsa në “Euro 2020”, në finale, të cilën e humbën nga Italia në ekzekutimin e penalltive.
Por, gjithçka varet nga suksesi në Botërorin e ardhshëm, ku Anglia nuk ka fituar një garë të rëndësishme prej shumë kohësh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
-
‘Shqipëria përkeqësim në lirinë e shtypit’, Rama: Qeveria e gatshme të marrë të gjitha përgjegjësitë
-
Ministrja gjermane: Rusët janë pas sulmeve kibernetike ‘të pa tolerueshme’ të vitit të kaluar
-
Osmani s’e komenton fare regresin me 19-të vende të Kosovës në lirinë e medias, flet për lajmet e rreme