Mali, Niger-i dhe Burkina Faso, tre vende të Sahel-it të Afrikës Perëndimore të sunduara nga junta ushtarake, nënshkruan një pakt sigurie, duke u zotuar t’i vijnë në ndihmë njëri-tjetrit në rast të ndonjë rebelimi ose agresioni të jashtëm.
Të tre vendet po përpiqen të mbajnë nën kontroll kryengritësit e lidhur me rrjetin e Al-Qaeda’s dhe grupin e armatosur të Shtetit Islamik të Irakut dhe Levantit (ISIL), dhe marrëdhëniet e tyre me fqinjët dhe partnerët ndërkombëtarë janë tensionuar gjithashtu nga grushtet e shtetit.
Grushti i shtetit i fundit në Niger ka krijuar një pykë të re midis tre vendeve dhe bllokut rajonal, Komunitetit Ekonomik të Shteteve të Afrikës Perëndimore, i cili ka kërcënuar të përdorë forcën për të rivendosur autoritetin kushtetues në vend, raporton Reuters.
Mali dhe Burkina Faso janë zotuar se do t’i vijnë në ndihmë Niger-it nëse sulmohet.
“Çdo sulm ndaj sovranitetit dhe integritetit territorial të një ose më shumë palëve kontraktuese do të konsiderohet agresion kundër palëve të tjera”, thuhet në statutin e paktit, i njohur si Aleanca e Shteteve të Sahel-it.
Ai tha se shtetet e tjera do të ndihmonin individualisht ose kolektivisht, duke përfshirë përdorimin e forcës së armatosur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kievi mund të përdorë armë britanike brenda Rusisë, thotë Cameron
-
Aksident tragjik në Durrës – Vritet në vendngjarje çiklisti, shoferi arratiset
-
Szunyog: Sulmet fizike, kërcënimet, gjuha e urrejtjes ndaj gazetarëve në Kosovë është për t’u shqetësuar
-
UEFA vendos të lejojë kombëtaret të marrin 26 lojtarë në Euro 2024
