Trafiku i drogës mes Umbrias dhe Shqipërisë: Zbulohet klani që shpërndante 150 kilogramë kokainë
Pesëmbëdhjetë persona janë hetuar nga Prokurori i Republikës së Perugia-s të angazhuar që nga maji 2020 në një hetim kundër trafikut të drogës.
Ata janë kryesisht shqiptarë dhe janë përgjegjës për bashkëpunimin kriminal me qëllim trafikimin e kokainës, mbajtjen dhe tregtimin e lëndëve narkotike, marrjen e mallrave të vjedhura dhe mbajtjen e armëve dhe municionit.
Lajmi u bë i ditur nga agjencia “Umbria 24”.
Për 9 prej tyre, gjykata urdhëroi burg, për katër arrest shtëpie dhe për dy detyrim paraqitjeje.
Mes tyre ka edhe disa shqiptarë të përfshirë në sherrin e ndodhur muajt e fundit në aeroportin e Perugia-s.
Operacioni i autoriteteve italiane përfshiu qytetet e Perugia-s, Foligno-s, Spoleto-s, Terni-t, Rimini- dhe Bologna-s.
Veprimtaria hetimore ka përdorur përndjekje, monitorim me GPS, kamera video survejimi, përgjime telefonike dhe mjedisore në makinat e të dyshuarve.
Që nga maji 2020 janë arrestuar 22 persona për kryerjen e një krimi, janë sekuestruar 9 kilogramë kokainë, dy kilogramë heroinë, dy pistoleta, 139 fishekë, katër makina dhe 13 mijë euro cash.
Këto të fundit, arrijnë në 132 mijë euro të sekuestruara në orët e fundit gjatë kontrolleve dhe 80 mijë të depozituara në tre libreza postare të kursimeve.
Sipas asaj që rezultoi gjatë hetimeve të koordinuara nga autoritetet italiane, shoqata e dyshuar kriminale do të hidhte në treg rreth 150 kilogramë kokainë në tetë muaj, për këtë arsye të ardhurat e paligjshme vlerësohen në “disa milionë euro”.
Organizata – thuhet në njoftimin për shtyp – mund të mbështetej në burime ekonomike dhe bashkëpunëtorë të jashtëm: përveç logjistikës, ata merreshin me sigurimin e bashkëpunëtorëve me makina të regjistruara fiktive për palët e treta, telefona celularë dhe shtëpi.
Më pas, në rast arrestimi, shoqata mbulonte gjithmonë shpenzimet e avokatit dhe shpenzimet e tjera, si një formë “shpërblimi për besnikërinë”.
Një pjesë e parave të fituara në mënyrë të paligjshme – thuhet nga prokurori – janë riinvestuar në aktivitete tregtare në Umbria dhe në aktivitete akomodimi në resortet bregdetare të Shqipërisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit