Ekipet e produksionit të aktorit, Brad Pitt dhe aktores, Margot Robbie po bëhen bashkë për të ribërë filmin e zhanrit komedi-krim, “The Thin Man”.
Kompania “Lucky Chap”, në pronësi të Margot, dhe “Plan B” i drejtuar nga Brad, së fundmi morën të drejtat për filmin e vitit 1934.
Sipas burimeve pranë tyre, të dy skuadrat tashmë i kishin sytë te projekti përpara grevës SAG-AFTRA, por nuk nisën diskutime në shenjë respekti për protestën, shkruan DailyMail, transmeton AlbanianPost.
“The Thin Man” është i bazuar në një roman detektiv, shkruar nga Dashiell Hammett. Ai tashmë është përshtatur në një seri filmash me William Powell dhe Myrna Loy, i cili u shfaq nga vitet 1930 deri në vitin 1940.
William Powell dhe Myrna Loy luajtën si Nick dhe Nora, me Maureen O’Sullivan që luante vajzën e ish-klientit Dorothy.
Ndërsa Hammett nuk do të shkruante kurrë një roman tjetër para vdekjes së tij në vitin 1961 në moshën 66-vjeçe, shkrimtari do të përfundonte duke shkruar skenarët për dy nga vazhdimet e filmit – në vitin 1936 “After the Thin Man” dhe 1939 “Another Thin Man”.
Ato skenare vazhdimësie u zbuluan më vonë në vitin 2011 së bashku me udhëzimet nga Hammett për të përfshirë materiale nga skenaristët Albert Hackett dhe Frances Goodrich.
Rezultatet përfundimisht u bënë libri i novelave të vitit 2012, i quajtur “Return of the the Thin Man”.
Gjithsesi, publikimi gjithashtu raportoi se ekziston mundësia që Margot dhe Brad të luajnë si detektivët, Nick Charles dhe gruaja e tij socialiste Nora, por ky detaj është i pakonfirmuar akoma.
Komploti zhvillohet në qytetin e Nju Jorkut në Krishtlindjet e vitit 1932 kur Nick takon vajzën e një ish-klienti i cili kërkon ndihmën e tij për të gjetur babain e saj.
Brad dhe Margot luajtën në Babiloni vitin e kaluar, ndërsa i para prodhoi edhe filmin e dytë “Bombshell” të vitit 2019.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kevin Spacey kritikon dokumentarin e ardhshëm që do të shqyrtojë akuzat ndaj tij për abuzim dhe sjellje të pahijshme seksuale
-
Paul Rudd dhe Nick Jonas do të luajnë në komedinë muzikore “Power Balad” të regjisorit John Carney
-
“The Fall Guy” nuk arrin lartësitë e nevojshme për të bërë një spërkatje vërtet të madhe
-
Amy Schumer dhe Jennifer Lawrence synojnë të sjellin një film, por jo komedinë e premtuar vite më parë