Premier Liga ka përfunduar zyrtarisht edicionin 2020/’21. Sipas asaj që raporton Daily Mail, 20 klubet pjesëmarrëse të këtij edicioni përfituan së bashku rreth 3 miliardë euro.
Sidoqoftë, secili klub u detyrua të paguajë një pjesë të vogël të fitimeve televizive, si pjesë e kompensimit, për shkak të pandemisë, që ishte dakortësuar midis Premier Ligës me Sky Sports dhe BT Sports. Liverpool-i ishte klubi që pagoi më shumë, një shifër rreth 10 milionë euro.
Manchester City është klubi që përfitoi më shumë të ardhura nga të drejtat televizive këtë sezon.
Qytetarët morën 178.8 milionë euro dhe pas tyre renditej Manchester United-i me 178.2 milionë euro, Chelsea me 175.2 milionë euro dhe Liverpool-i me 172.1 milionë euro.
Lista vijon me ekipet e tjera, ndërsa ajo që duket e “çuditshme” është fakti që Sheffield United-i i vendit të fundit në Premier Ligë, që ra nga kategoria, ka marrë 105.6 milionë euro.
Një shifër tepër e lartë nëse e krahason me fituesin e Serisë A, Inter-in, që mori vetëm 64 milionë euro.
Lista e plotë e përfitimeve ekonomike nga të drejtat televizive këtë sezon në Premier Ligë:
Manchester City – 178.8 milionë euro
Manchester United – 178.2 milionë euro
Chelsea – 175.2 milionë euro
Liverpool – 172.1 milionë euro
West Ham – 166.6 milionë euro
Leicester – 164.0 milionë euro
Tottenham – 161.8 milionë euro
Leeds – 160.9 milionë euro
Arsenal – 156.7 milionë euro
Everton – 156.0 milionë euro
Aston Villa – 141.9 milionë euro
Wolverhampton – 139.2 milionë euro
Newcastle – 135.7 milionë euro
Crystal Palace – 135.0 milionë euro
Southampton – 129.7 milionë euro
Brighton – 124.8 milionë euro
Fulham – 124.0 milionë euro
Burnley – 118.0 milionë euro
West Bromwich – 118.0 milionë euro
Sheffield United – 105.6 milionë euro
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
