Një tërmet me magnitudë 6.8 ballë dhe me një thellësi prej 7 kilometrash goditi Tajvanin gjatë mesditës të 18 shtatorit.
Lëkundja sizmike u regjistrua në 14:44 me orën lokale të dielën.
Lajmi u bë i ditur nga reporterja ushtarake dhe e punëve të jashtme në “TVBS News”, Tingting Liu.
Epiqendra ishte në Taitung Chishang.
Taitung e ndjeu intensitetin e tërmetit në 6 ballë, ndërsa kryeqyteti Taipei e ndjeu atë me intensitetin 2 ballë.
Një shtëpi në Hualien, në pjesën lindore të Tajvan-it, u shemb.
24 orë më parë ishulli u godit nga një tërmet i magnitudës 6.4 ballë, sipas Shërbimit Gjeologjik të SHBA-ve.
Mediat lokale fillimisht nuk raportuan për të lënduar apo dëme nga tërmeti, por agjencia qendrore e lajmeve e Tajvanit tha se sistemi i metrosë në qytetin Kaoshiung në jug të ishullit ishte pezulluar përkohësisht.
Tërmeti i 17 shtatorit u ndje edhe në kryeqytetin tajvanez Taipei.
Epiqendra ishte në Taitungcounty, një zonë me rritje orizi në terren të sheshtë me një popullsi prej rreth 8 mijë e 500 banorësh.
Tajvani goditet rregullisht nga tërmete pasi ishulli ndodhet pranë kryqëzimit të dy pllakave tektonike.
Ishulli nuk lëshon paralajmërime për cunami nëse një tërmet nuk është më i fuqishëm se magnituda 7.0 ballë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Sadushi: S’duam lëmoshë, të plotësohen detyrimet për gjyqësorin
-
Mungesa e fuqisë punëtore, Shqipëria në negociata për të marrë 40 mijë punonjës të huaj
-
OKB mbështet kërkesën palestineze për anëtarësim, Shqipëria abstenon
-
Aliu prapë tenton ta fshehë aferën me ambalazhues: Mandati im i bëri më të përgjegjshëm
