Shefi i grupit parlamentar të Partisë Demokratike të Kosovës, Abelard Tahiri, ka deklaruar se veprimet e kryeministrit, Albin Kurti, janë tendencë dhe sulm direkt ndaj demokracisë.
Deklaratat e Tahirit, vjen pas refuzimit të Kurtit që të përgjigjet në pyetjet parlamentare.
“Sjellja e sotme e Kurtit, ishte një sulm direkt i demokracisë sonë. Është sjellje e paprecedent që del kryeministri dhe thotë se nuk do të përgjigjet, s’mund ta detyrojë deputetin t’i nënshtrohet dikujt. Prandaj, angazhimet e Kurtit, janë për të instaluar një lloj diktati”.
Ai tutje ka bërë të ditur edhe numrin e marrëveshjeve ndërkombëtare që kanë votuar nga viti 2021.
“Nga marsi i vitit 2021, numri i marrëveshjeve që kemi votuar është 50 sosh, ndërsa vlera në total arrin diku 850 milionë euro”.
“Kurti, është i paditur dhe i papërgjegjshëm. E shihni inflacionin, bllokimin e investimeve kapitale, prandaj do ti ndërmarrim të gjitha veprimet e mundshme demokratike”, tha Tahiri para gazetarëve.
I pari i Qeverisë ka refuzuar të iu përgjigjet pyetjeve parlamentare të deputetëve të opozitës.
Në seancën e sotme parlamentare, e cila po mbahet vetëm për pyetje parlamentare, ai ka thënë se nuk do të iu përgjigjet pyetjeve të deputetëve që nuk po i votojnë marrëveshjet ndërkombëtare.
“Për shkak se nuk po i votoni marrëveshjet ndërkombëtare të gjithë deputetët që po i bëjnë pyetjet nuk do ta kenë përgjigjen time edhe pse tashmë e kam të përgatitur. Duhet të jemi kolegë të të njëjtit shtet, e jemi të të njëjtit shtet nëse bëhet fjalë për mbrojtjen dhe përfaqësimin e interesit publik edhe shtetëror”, tha ai.
Deputetët ë PDK-së dhe të Aleancës për Ardhmërinë e Kosovës, për disa seanca me radhë nuk i kanë votuar marrëveshjet ndërkombëtare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kryeministri i Belgjikës e cilëson “propozim të çmendur” ndërtimin e burgut në Kosovë
-
Bislimi takon Sekretarin e Shtetit të Zvicrës, diskutojnë anëtarësimin e Kosovës në KiE
-
Krasniqi: Qeveria t’i respektojë punëtorët dhe të drejtat e tyre
-
Trump paralajmërohet për burgim, dëshmitari zbulon marrëveshjen e vështirë
Lajmet kryesore
-
Armatimi – Strategjia e Shqipërisë në mbrojtje
-
Mësuesit protestë para Ministrisë së Arsimit për 1 maj: Të dyfishohen pagat
-
SHBA-të janë ‘të vendosura të marrin një armëpushim që do t’i sjellë pengjet në shtëpi’
-
Propaganda e “France24” për veriun: Serbët u larguan nga Kosova për shkak të përkeqësimit të kushteve të jetesës