Suarez largohet nga Nacional-i mes lotëve dhe gëzimit

Luis Suarez përfundoi aventurën e tij prej rreth tre muajsh te klubi i Nacional, aty ku edhe e kishte nisur karrierën.

Uruguaiani luajti në 16 ndeshje me Nacional-in duke kontribuar me tetë gola dhe tre asistime në fitimin e titullit kampion.

35-vjeçari tani është larguar nga Nacional pas rreth tre muajve qëndrim dhe këtë e ka bërë në mënyrë emocionuese në festën e titullit.

Llegó el momento de la despedida 🥹 pic.twitter.com/ByHtMAwzn4

— Luis Suárez (@LuisSuarez9) November 6, 2022

Në fjalinë përshëndetëse, Suarez nuk arriti t’i mbante lotët, derisa ka falënderuar të gjithë për mbështetjen ndaj tij.

Gjithsesi ish-sulmuesi i Liverpoolit, Ajaxit e Barcelonës ka lënë të hapur mundësinë që një dit të rikthehet sërish te Nacional.

“Ka ardhur koha dhe para së gjithash dua t’ju falënderoj për gjithçka. U ktheva për ju dhe sepse doja të kthehesha në klubin ku jam rritur”, tha fillimisht Suarez.

Vení vení, cantá conmigo, que un amigo vas a encontrar 🎶 @LuisSuarez9 #GraciasLuisSuárez#𝗨𝗻𝗮𝗩𝘂𝗲𝗹𝘁𝗮𝗜𝗻𝗼𝗹𝘃𝗶𝗱𝗮𝗯𝗹𝗲 #ElClubGigante 🔵⚪️🔴 pic.twitter.com/EpxWNr02os

— Nacional (@Nacional) November 7, 2022

“Secili nga ju duhet të vazhdojë të jetë krenar që jemi në një nivel global dhe njerëzit flasin për atë që bënë tifozët e Nacional, dhe kjo është merita juaj”.

“Ta shohë vetën të dal kampion me fanellën që kam lindur këtu është një ëndërr e realizuar. Shihemi më vonë, nuk do të luaj më, por nuk dihet nëse do të rikthehem në klub pas një kohe” , ka deklaruar Suarez në festën e titullit me Nacional.

E ardhmja e sulmuesit uruguaian pritet të jetë në elitën e futbollit amerikan MLS.

Shumë skuadra kanë shfaqur interesim për 25-vjeçarin, por Inter Miami mbetet favoriti kryesor për të nënshkruar me të.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.