Soreca për vizitën e Johansson: Partitë të sigurojnë listat me integritetin më të lartë

Ambasadori i Bashkimit Evropian në Shqipëri, Luigi Soreca, ka komentuar vizitën e Komisioneres për Çështjet e Sigurisë në BE, Ylva Johansson, nëpërmjet një postimi në Twitter.

“Në zgjedhjet e 25 prillit, komisionerja ka theksuar rëndësinë e sigurimit të kandidatëve me integritetin më të lartë, në listat e partive politike”, shkruan Soreca.

Johansson vizitoi Tiranën ditën e sotme. Takime pati me kryeministrin, Edi Rama, kryedemokratin Lulzim Basha dhe presidentin Ilir Meta. Një takim është zhvilluar edhe me ministrin e Brendshëm, Bledi Çuçi.

Soreca thekson edhe një herë tjetër mbështetjen e BE-së për Shqipërinë. “Evropa është më pranë Shqipërisë se çdo herë tjetër”. Është nënvizuar nga ambasadori edhe rruga e vendit tonë drejt konferencës ndërqeveritare që BE-ja zhvillon.

“Rezultate të mira janë arritur deri tani në luftën ndaj krimit të organizuar dhe korrupsionit. Përpjekjet për të ndaluar migrimin e jashtëligjshëm duhet të shtohen. Kjo, nëpërmjet bashkëpunimit me vendet anëtare të BE-së, për të konsoliduar progresin e bërë”.

Johansson, ka përgësuar rezultatet e Shqipërisë në një deklaratë pas takimeve. Gjithsesi, theksi kryesor mbeten zgjedhjet dhe bashkëpunimi policor për zbulimin e krimit.

Commissioner @YlvaJohansson🇪🇺 visited #Tirana🇦🇱 today. In her meetings with PM @ediramaal, Pres. @ilirmetazyrtar, Chair @lulzimbasha_al, Min. @bledicuci she confirmed that the #EU is more than ever next to #Albania 🇦🇱on its #EU🇪🇺accession path towards the first IGC..1/3 pic.twitter.com/anrIfoEdVF

— Luigi Soreca🇪🇺 (@LSorecaEU) February 20, 2021

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.