Ambasadori i Bashkimit Evropian në Shqipëri, Luigi Soreca, ka zhvilluar një takim online më 29 prill, me anëtarë të Parlamentit Evropian , për t’i informuar rreth rezultateve paraprake të zgjedhjeve parlamentare të 25 prillit.
Nëpërmjet një statusi në median sociale Twitter ai bën me dije se gjatë takimit ishte dhe ambasadorja e misionit të OSBE/ODHIR-it, Urszula Gacek.
“Ne patëm një shkëmbim të shkëlqyeshëm në gjetjet dhe konkluzionet paraprake të zbatimit të Kodit të ri Zgjedhor” informon Soreca.
Në përfundim Ambasadori iu bëri me dije se “parlamenti dhe qeveria e re e Shqipërisë pritet të vazhdojnë reformat për rrugën drejt Bashkimit Evropian me vendosmëri dhe në një dialog politik gjithëpërfshirës me opozitën”.
Pleased to debrief today Members of @Europarl_EN🇪🇺about the preliminary results of #Election2021 🗳in #Albania🇦🇱,together with Amb. Ursula #Gacek. We had a great exchange on the preliminary findings and conclusions of @osce_odihr statement and on the implementation of the….1/2 pic.twitter.com/c1SKRNNaf0
— Luigi Soreca🇪🇺 (@LSorecaEU) April 29, 2021
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com