Mbrojtësi i Bayern Munich-ut, Alphonso Davies, është dëmtuar në ndeshjen e fundit dhe nuk do të mund të luajë në pjesën e mbetur të sezonit.
Lajmin e ka bërë të ditur vetë klubi bavarez, të cilët njoftuan se Davies u lëndua në ndeshjen me Mainz-in.
Mbrojtësi kanadez u detyra të zëvendësohej në minutën e nëntë të kësaj ndeshje, të cilën Bayern e humbi me rezultat 3:1, derisa në pjesën e parë ishin duke fituar.
Alphonso Davies will be out for around 6 weeks and won't play for Bayern again this season [@BILD] pic.twitter.com/gHsf6WUnHq
— Bayern & Germany (@iMiaSanMia) April 23, 2023
Përveç humbjes së ndeshjes, kampionët e Gjermanisë e humbën edhe vendin e parë në renditje, që tashmë mbahet nga Borussia Dortmund.
Pra, një periudhë e errët për bavarezët që nga ardhja e trajnerit Thomas Tuchel.
Që kur u emërua Tuchel trajner i Bayern-it ata kanë fituar vetëm dy nga shtatë ndeshje, si dhe brenda kësaj periudhe janë eliminuar nga Liga e Kampionëve dhe nga Kupa e Gjermanisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
