Situata momentale po shkakton shumë diskutime në Spanjë, sepse konsiderohet pjesërisht paradoksale. Kufizimet e vendosura nga qeveria spanjolle lejojnë ardhjen e turistëve ndërkombëtarë të cilët kanë rezultuar negativë për testin e Coronavirus-it.
Por nuk lejojnë që spanjollët të lëvizin midis komunitetet e ndryshme, autonome të vendit.
Masat reja ndaj Covid-19 rrezikojnë të kthehen në një mashtrim për sektorin e turizmit të disa vendeve. Përfshirë Italinë.
Hotelierët gjermanë e kritikuan situatë dhe e përcaktojnë atë si absurde.
Në fakt, pronarët e hoteleve janë të zemëruar me masat që parandalojnë lëvizjen e shtetasve gjermanë brenda vendit. Por njëkohësisht u lejon atyre të udhëtojnë jashtë për pushime.
Por pavarësisht kësaj, mijëra turistë gjermanë mbërritën, gjatë fundjavës, në ishullin Mallorca, në Spanjë, për të kaluar pushimet e Pashkëve. Kjo pavarësisht rritjes së infeksioneve nga Covid-19 në Gjermani dhe thirrjeve nga autoritetet për të mos udhëtuar.
Hotelierët gjermanë ishin të parët që nuk ranë dakord me këtë masë.
“Është në rregull të fluturosh për në Majorka, por nuk mund të qëndrosh në një apartament për pushime Bavareze? Është thjesht e pakuptueshme ”, tha Hubert Buchëieser, pronar i një objekti në qytetin bavarez të Garmisch-Partenkirchen.
Daniel Schimmer, menaxher i Garmischer Hof, shtoi: “Ne jemi të zhgënjyer dhe të trishtuar që industria jonë po trajtohet në këtë mënyrë”.
Shoqata e turizmit “BTW” tha se vendimi rriti frikën dhe zhgënjimin në sektor për perspektivat për të ardhmen. Dhe ai bëri thirrje për projekte pilot për të provuar se si hotelet dhe rajonet turistike mund të rihapen në mënyrë të sigurt.
“Durimi i njerëzve po mbaron”, shpjegoi sekretari i përgjithshëm i Btw Michael Rabe.
Gjermania ka hequr disa rajone të Spanjës, duke përfshirë ishullin e Mallorca dhe Portugalinë nga lista kombëtare e zonave në rrezik. Linja ajrore gjermane Lufthansa shpjegoi se do të punojë me partnerë të industrisë së udhëtimeve për të ofruar teste për udhëtarët që kthehen nga Majorka.
Në Majorka – ku, për më tepër, turistët nga pjesa tjetër e Spanjës nuk mund të arrijnë, për shkak të masave të lëvizjeve midis komuniteteve – sipërmarrësit thanë se ishin të kënaqur me vendimin. Megjithëse disa frikësohen se turistët mund të përhapin infeksionin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
