![](https://albanianpost.com/wp-content/uploads/2022/07/1-2.jpg)
Shkëndija e Tetovës e ka nisur me këmbë të mbarë aventurën evropiane në Conference League, teksa mposhti me rezultat 2:0 ekipin armen, Ararat, në ndeshjen e parë kualifikuese.
Tetovarët nuk e vunë në asnjë moment në diskutim fitoren, duke e dominuar të gjithë takimin.
Ekipi i drejtuar nga Artim Shaqiri gjeti rrugën e rrjetës në minutën e 21-të, kur Adenis Shala shfrytëzoi më së miri një pakujdesi nga mbrojtja e armenëve.
Pak sekonda para fundit të pjesës së parë, Valmir Nafiu, u kujdes që të shënonte golin e qetësisë. 28-vjeçari dhuroi spektakël me një gol mjaft të bukur nga distanca.
Edhe pjesa e dytë u dominua në përgjithësi nga ekipi tetovar, por ata ishin të pafat për ta thelluar edhe më shumë epërsinë.
Pas një jave kuqezinjtë do të kenë një avantazh të konsiderueshëm e në Yerevan të Armenisë do të kërkojnë që të marrin kualifikimin për në raundin e dytë kualifikues të Conference League ku do të gjenin letonezët e Valmiera-s.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com