“Dy burra të dënuar për vrasjen e një aktivisti afro-amerikan dhe avokatit të të drejtave civile, Malcolm X, në vitin 1965 do të shfajësohen”.
Kështu deklaroi të mërkurën e 17 nëntorit zyra e prokurorit të qarkut në Manhattan, duke thënë se do të lëvizë për të “liruar dënimet e gabuara”.
Malcolm X u bë i njohur si zëdhënësi kombëtar i Kombit të Islamit – një grup mysliman afrikano-amerikan që përkrahte separatizmin e zi.
Ai kaloi më shumë se një dekadë me grupin përpara se të zhgënjehej, duke u shkëputur publikisht në vitin 1964 dhe duke moderuar disa nga pikëpamjet e tij të mëparshme mbi ndarjen racore.
Ai u qëllua për vdekje në sallën Audubon Ballroom të New York-ut, ndërsa po përgatitej për të mbajtur një fjalim. Tre anëtarë të Kombit të Islamit u dënuan për të shtënat.
Në vitin 1966, tre të pandehurit u shpallën fajtorë dhe u dënuan me burgim të përjetshëm.
Ende qëndron dënimi i personit të tretë, i cili kishte pranuar vrasjen në momentin e gjykimit.
Lëvizja e prokurorit të qarkut u raportua fillimisht nga gazeta amerikane “New York Times”.
Në një intervistë me Times, Prokurori i Qarkut të Manhattan, Cyrus Vance Jr., kërkoi falje në emër të zbatimit të ligjit.
Ai tha se i kishte lënë në baltë familjet e dy burrave – Muhammad Aziz dhe Khalil Islam.
Të dy burrat kaluan dekada në burg. Aziz, 83 vjeç, u lirua në vitin 1985. Islam-i u lirua në vitin 1987 dhe vdiq në vitin 2009 në moshën 74-vjeçare.
“Kjo tregon të vërtetën se zbatimi i ligjit gjatë historisë shpesh ka dështuar të përmbushë përgjegjësitë e tij”, tha Vance. “Këta njerëz nuk morën drejtësinë që meritonin”.
Një hetim gati dyvjeçar, i kryer së bashku nga Manhattan D.A. dhe avokatët e dy burrave, zbuluan se prokurorët dhe agjencitë e zbatimit të ligjit mbajtën prova kryesore që, po të ishin dorëzuar, ka të ngjarë të kishin çuar në lirimin e dyshes, sipas “Times”.
“Kjo nuk ishte thjesht një anashkalim”, tha Deborah Francois, avokate në zyrën ligjore Shanies. “Ky ishte një produkt i sjelljes së keqe zyrtare dhe të rëndë”.
Disa historianë dhe studiues kanë pohuar se njerëzit e gabuar janë dënuar. Zyra e Vance tha, vitin e kaluar, se do të rishikonte dënimet në këtë rast.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vizita e Ramës në Athinë has edhe kundërshtime të ‘unifikuara’ nga opozita shqiptare
-
Ndalohet 30-vjeçari, pasi fitoi mbi 7200 euro nga transporti i emigrantëve të jashtëligjshëm
-
Përshtatën lokalin për baste të jashtëligjshme, 3 të proceduar në Fier
-
Krasniqi pranon ftesën e Kurtit për takim, do të kërkojë caktimin e datës së zgjedhjeve
Lajmet kryesore
-
AFP: Nga BRSS në NATO, Shqipëria shfaq të kaluarën ushtarake
-
Vizita e Ramës në Athinë has edhe kundërshtime të ‘unifikuara’ nga opozita shqiptare
-
Emiri i Kuvajtit shpërndan parlamentin në një krizë të re politike
-
Krasniqi pranon ftesën e Kurtit për takim, do të kërkojë caktimin e datës së zgjedhjeve