Kreu i Dumës Shtetërore të Rusisë, Vyacheslav Volodin, deklaroi se Shtetet e Bashkuara duhet të kompensojnë vendet e prekura nga pandemia e Coronavirus-it, pasi autoritetet amerikane mund të jenë përfshirë në përhapjen e COVID-19.
Lajmi u bë i ditur nga zyrtari rus në kanalin e tij ‘Telegram’.
Kryetari i Dumës së Shtetit publikoi një citim nga ekonomisti amerikan Jeffrey Sachs, i cili sugjeroi se Coronavirus-i mund të ishte krijuar në një laborator biologjik amerikan.
Volodin beson se SHBA-të duhet të mbajnë përgjegjësi për pasojat e COVID-19, si “miliona të sëmurë dhe të vdekur, kriza ekonomike globale dhe rënia e standardeve të jetesës së njerëzve”.
“SHBA-të janë të detyruara të kompensojnë të gjitha shtetet që kanë vuajtur nga pandemia”, shkruan kryeparlamentari rus.
Përveç kësaj, sipas Volodin, “të gjitha zhvillimet biologjike ushtarake të SHBA-ve duhet të ndalen dhe të deklasifikohen”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet
