Gjykata e Lartë e Rusisë urdhëroi të martën e 28 dhjetorit mbylljen e organizatës më të vjetër të të drejtave të njeriut në vend – Memorial.
Mbyllja e saj shihet si një përpjekje e dukshme nga Kremlini zyrtar për të fshehur mizoritë e epokës sovjetike.
Ky vendim është i fundit në radhën e goditjeve ndaj zërave kundërshtues që nga rënia e Bashkimit Sovjetik 30 vjet më parë.
Motivimi i shfuqizimit të Memorial është i ngjashëm me precedentët e mëparshëm – agjentatura e huaj.
Grupi për të drejtat e njeriut u bashkëthemelua në vitin 1989 nga fituesi i çmimit i Nobelit për Paqen, Andrei Sakharov.
Memoriali gjatë tre dekadave të fundit ndërmori një përpjekje kolosale.
Kjo, për të nderuar kujtimin e miliona personave të ekzekutuar dhe burgosur gabimisht nga Josef Stalin.
Presidenti rus Vladimir Putin ka dënuar autoritetet sovjetike për burgosjen, vrasjen dhe mërgimin e miliona qytetarëve sovjetikë.
Zyrtari rus ka marrë pjesë edhe në përkujtimoret e viktimave, duke përfshirë hapjen e një monumenti të madh në Moskë në vitin 2017.
Gjithashtu, Putin i është referuar shpesh Stalin-it, si një udhëheqës që ndërtoi një ekonomi të fortë dhe solli fitoren në Luftën e Dytë Botërore.
Regjimi i tij besohet se ka vrarë 1.2 milion rusë vetëm gjatë Spastrimit të Madh të viteve 1937-1938.
Memorial ka dokumentuar 3.5 milionë njerëz të ekzekutuar ose të burgosur gabimisht në Bashkimin Sovjetik në vitet 1930.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Veliaj pretendon sërish se ‘takimin me SPAK e ka kërkuar vetë’
-
Ngjarja tragjike në Shkodër, gjendet trupi i fëmijës së dytë
-
Universiteti Columbia në New York anulon ceremoninë kryesore të diplomimit, për shkak të protestave në Gaza
-
Kurti, ambasadorëve të QUINT-it: Normalizimi i marrëdhënieve me Serbinë s’duhet të përzihet me anëtarësimin e Kosovës në KiE