Rriten sërish çmimet e hidrokarbureve në Shqipëri, pas vendimit të Bordit të Transparencës të premten e 8 korrikut.
Sipas njoftimit të fundit, nafta do të tregtohet me çmimin 240 lekë për litër ndërsa benzina, me çmimin 233 për litër.
Kjo fashë vlen për çmimet me pakicë.
Ndërsa, sa i përket çmimeve me shumicë, ato janë përcaktuar në 228 lekë për litër për naftën dhe 221 lekë për litër për benzinën.
Nga ana tjetër, çmimi me pakicë i nënproduktit gaz do të jetë 81 lekë për litër dhe ai i shitjes me shumicë 69 lekë për litër.
Vendimi hyn në fuqi në orën 18:00, të datës 8 korrik.
Vetëm një ditë më parë, bordi vendosi uljen e çmimit të naftës në 235 lekë për litër. Por, veçse një ditë zgjati ky efekt, pasi rritja e sotme shënohet me 5 lekë për litër, duke shkuar në 240.
Benzina ndërkohë shënon rritje me 6 lekë për litër krahasimisht me një ditë më parë.
Gazi nga ana tjetër, nuk pëson ndryshim në çmim krahasuar me një ditë më parë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Aksident tragjik në Durrës – Vritet në vendngjarje çiklisti, shoferi arratiset
-
EURO U-19/ Shqipëria njeh kundërshtarët në raundin kualifikues
-
Policia e Shtetit duhet të rrisë rezultatet dhe besimin e publikut, thotë Balla