Policia çeke ka arrestuar disa persona që thuhet të jenë tifozë të Fiorentina-s, pasi ata sulmuan tifozët e West Ham-it para finales së Ligës së Konferencës që do të zhvillohet sonte (e mërkure) në Pragë.
“Tre persona u plagosën në një lokal në rrugën “Rytirska”, ndërsa policia konfirmoi se një oficer ishte sulmuar gjithashtu gjatë incidentit”, njofton BBC.
Në një postim në Twitter, policia çeke tha se i kishte arrestuar 16 persona.
Një tifoz i West Ham-it, i cili nuk donte të emërohej, tha se “një grup i madh” tifozësh italianë sulmuan lokalin “Tek-ila Tek-ila” në qendër të qytetit të mërkurën.
Ai shtoi: “Rreth tetë italianë kaluan pranë, duke tundur shirita dhe zinxhirë. Pesë minuta më vonë, ishte një grup i madh që zbriti nga rruga dhe na sulmoi”.
Crazy clashes between Fiorentina Ultras and West Ham fans in Prague before the Conference League final. 😰
🎥 @RobHarris pic.twitter.com/CI2PXLXoRZ
— Football Tweet ⚽ (@Football__Tweet) June 7, 2023
Tifozi tha se një nga miqtë e tij ishte lënduar rëndë me një “prerje masive” në kokë.
Një dëshmitar 17-vjeçar tha se tifozët e West Ham-it “nuk kishin bërë asgjë të keqe” dhe tifozët e Fiorentina-s “po hidhnin flakë dhe fishekzjarre”.
Kujtojmë që finalja e Conference Leauge do të fillojë në ora 21:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
