Rohde demanton ambasadorin Ajeti: Avokati nga Kosova s’mund të ushtrojë profesionin në Gjermani pa diplomë përkatëse
Dy ditë më parë, Ambasadori i Kosovës në Gjermani, Faruk Ajeti, kumtoi lajmin – të cilën e cilësoi si të mrekullueshme – se avokatët nga Kosova nga sot njihen zyrtarisht nga shteti Gjerman dhe se tani e tutje avokatët e licencuar nga Kosova do të mund të ushtrojnë funksionin e tyre edhe në Republikën Federale të Gjermanisë.
Megjithatë realiteti del të jetë pak më ndryshe nga ajo që e trumbetoi ambasadori kosovar të enjten.
Kështu të paktën thotë kolegu i tij gjerman, Jorn Rohde, i cili një ditë më parë përshëndeti vendimin e publikuar nga Ajeti për avokatët nga Kosova, pa e sqaruar saktësisht se a do të mund të ushtrojnë avokatët kosovarë profesionin e tyre në Gjermani në nivel të barabartë me avokatët gjermanë.
Ndërsa të shtunën ambasadori i Gjermanisë në Kosovë, Rohde, përmes një statusi në rrjetin e tij social në Twitter, ka qartësuar deklaratën e tij të mëparshme për këtë çështje duke nënvizuar faktin se kjo marrëveshje nuk nënkupton njohje apo barazvlerësim të licencës së avokatit të Kosovës me atë të Gjermanisë.
Sipas tij një avokat i Kosovës për të ushtruar profesionin e tij në Gjermani duhet fillimisht që t’i përsërit studimet në Gjermani.
“Ndërsa avokatët nga Kosova lejohen të punojnë në Gjermani, praktikimi i ligjit gjerman kërkon një diplomë përkatëse. Ky kusht mbetet për përfaqësimin e klientëve në gjykatat gjermane. Përditësimi ka të bëjë vetëm me aktivitetet jashtëshkollore të avokatëve, duke përjashtuar procedurat gjyqësore”, ka shkruar Rohde në Twitter.
Clarifying my tweet below: While 🇽🇰lawyers are permitted to work in 🇩🇪, practicing 🇩🇪 law necessitates a relevant degree. This condition remains for representing clients in 🇩🇪 courts. The update pertains solely to extracurricular activities of lawyers, excluding court proceedings https://t.co/iexl17rYqV
— Ambassador Jörn Rohde (@GermanAmbKOS) August 12, 2023
Sipas marrëveshjes në fjalë i publikuar nga ambasadori Ajeti, e cila mban siglën e Ministrisë Federale të Drejtësisë së Gjermanisë, avokatët nga Kosova mund të ushtrojnë profesionin e tyre vetëm në cilësinë e ofrimit të shërbimeve të përkohshme këshillëdhënëse juridike me lëndë të cilët lidhen me ligjet e Kosovës ose ligjet ndërkombëtare e jo me ligjet e shtetit Gjerman.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Kandidimi i Hamzës nga PDK-ja për kryeministër e ka befasuar për të keq Kurtin”
-
Sekuestrohen 65 kg kanabis në formë çokollate e fshehur në tunel, dy në kërkim në Shkodër
-
Ndërsa Izraeli shton sulmet, 300 mijë palestinezë largohen nga Rafah
-
Rama në Athinë, Mitsotakis: Greqia nuk ndalon një lider të huaj të takojë bashkëatdhetarët e tij, koha nuk është e duhura
Lajmet kryesore
-
Rama në Athinë, Mitsotakis: Greqia nuk ndalon një lider të huaj të takojë bashkëatdhetarët e tij, koha nuk është e duhura
-
Tirana drejt binjakëzimit me Venezia-n
-
Ndërsa Izraeli shton sulmet, 300 mijë palestinezë largohen nga Rafah
-
“Kandidimi i Hamzës nga PDK-ja për kryeministër e ka befasuar për të keq Kurtin”