Kryetari i Prishtinës, Përparim Rama, i ka dorëzuar këngëtares kosovare me famë botërore çelësin e kryeqytetit.
“Në emër të Kryeqytetit, ju dhuruam “Çelësin e Qytetit” për emocionet e veçanta që na dhuroni, dhe Rita përfaqësimin e dinjitetshëm që na bën në mbarë botën”, ka shkruar Rama në Facebook.
Ai ka shtuat tutje se “Prishtina ju pret me zemër hapur sot e përherë”.
Ndërsa Ambasadori britanik në Kosovë, Nicholas Abbott, është ndjerë tejet i kënaqur me prezencën e tij, në takimin e yllit të njohur kosovar, Rita Ora, me kreun e Prishtinës, Përparim Ramën.
”Ishte kënaqësi t’i bashkohesha kryebashkiakut Rama në mirëseardhjen e znj Rita Ora dhe bashkëshortit të saj Taika Waititi për në Prishtinë dhe për të qenë me ta kur të merrnin çelësin e qytetit”, shkroi ai në platformën X.
Pos Ramës, Ora është takuar të dielën edhe me kryeministrin e Kosovës, Albin Kurti.
Sipas Kurtit, Rita Ora ka arritur majat më të larta të suksesit dhe njohjes në mbarë botën duke nderuar gjithmonë rrënjët dhe kulturën e saj në atdhe.
“Ishte nder ta prisja dhe Taika Waititit sot në ditëlindjen e saj. Kosova, Britania e Madhe dhe Zelanda e Re duken pa kufi përballë artit”, shkroi Kurti në platformën X.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ceremonia tradicionale “Karli i Madh”, Rama: Luajti një rol kyç në formësimin e historisë
-
Szunyog kërkon që marrëdhëniet mes Kosovës dhe BE-së të bëhen më të mira
-
Qeveria e Kosovës e mohon se lajmi i rremë për Escobarin doli prej saj
-
Ambasadorja e SHBA-ve në RMV uron Siljanovska-Davkova: Historike, presidentja e parë grua
Lajmet kryesore
-
Osmani uron Siljanovska-Davkova-n nga VMRO – DPMNE, por jo edhe Ali Ahmetin
-
BE është e plotë vetëm me integrimin e Ballkanit Perëndimor, thotë Hasani
-
Ish-kreu i shërbimit sekret izraelit: Lironi Barghoutin dhe vendosni për dy shtete – kështu mposhtet Hamasi
-
PDK: Të finalizohet anëtarësimi i Kosovës në Këshillin e Evropës
