Kryeministri i Shqipërisë, Edi Rama, nëpërmjet një postimi në Facebook, ka publikuar një shifër ku tregon një fragment të atij që ai e quan “revolucion digjital” për vitin 2022.
Sipas fotos së publikuar nga kreu i Qeverisë, falë buxhetit 2022, në Policinë e Shtetit, do të ketë 472% më shumë investime për teknologjinë.
Kjo krahasuar me vitin 2021.
Ditën e djeshme, së bashku me ministrin e Brendshëm dhe drejtorin e Përgjithshëm të Policisë së Shtetit, Rama prezantoi në terma të gjerë edhe buxhetin e vitit 2022 për rendin.
Në vëmendje të shtuar ishte pikërisht aspekti teknologjik dhe i pajisjeve të reja.
Ndër më kryesorët, do të jenë pajisjet inteligjente. Dronë apo mjete mbikëqyrëse, përfshihen në vizionin e një rendi publik më të mirë.
Një tjetër investim i rëndësishëm sipas kryeministrit, do të jetë edhe ai i satelitëve. Nga prezantimet e bëra më parë, ato do të jenë dy dhe do të shërbejnë për ruajtjen e territorit.
Synimi kryesor është ai i evitimit të kontaktit direkt të policëve me shkeljet. Kjo, do të arrihet nëpërmjet një baze operacionale digjitale, e cila pritet të mbledhë informacione nga mjetet digjitale të shpërndara në territor.
Një aplikim i tillë ka filluar me monitorimin e rrugëve nga “makinat inteligjente”. Një pjesë e dronëve po ashtu janë vënë në punë.
Ato ndërkaq pritet të shtohen në masë gjatë 2022-shit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Aksident tragjik në Durrës – Vritet në vendngjarje çiklisti, shoferi arratiset
-
EURO U-19/ Shqipëria njeh kundërshtarët në raundin kualifikues
-
Policia e Shtetit duhet të rrisë rezultatet dhe besimin e publikut, thotë Balla