Instituti i Statistikave ka publikuar ditën e sotme, më 30 mars, statistikat e transportit për muajin shkurt 2021.
Statistikat përfshijnë volumin e mallrave dhe numrin e pasagjerëve të transportuar përmes rrugëve detare, ajrore dhe hekurudhore, duke lënë jashtë të dhënave format e transportit rrugor.
Muaji shkurt ka njohur ulje të transportit në të dy treguesit, si për mallrat, edhe pasagjerët, krahasuar me shkurtin e vitit 2020.
Transporti detar, i cili ka dhe peshën kryesore për transportin e mallrave, ka patur rënie prej 4,4% nga muaji shkurt i një viti më parë. Megjithatë, performanca e dymujorit është pozitive, pasi ka një rritje prej 3% nga viti i kaluar. Volumi i qarkullimit përllogaritet në masën 343,9 mijë ton.
Volumi i mallrave të transportuara me hekurudhë ka shënuar ulje prej 7,7% për muajin shkurt, dhe 10,7% për dy muajt e parë të 2021-shit.
Me ulje është edhe transporti i mallrave përmes rrugëve ajrore. 972 fluturime më pak në muajin shkurt 2021, janë 44,5% më pak se në shkurt 2020. Kjo është reflektuar edhe në sasinë e mallrave të transportuara, ku janë 30,7% më pak për muajin shkurt, dhe 23,4% për dymujorin.
Transportet e mallrave nga ajri janë sa një e treta e atyre që kryhen në det, në masën 123,9 tonë në muajin shkurt.
Transporti i pasagjerëve
Rënia më e theksuar është në krahun e transportit të pasagjerëve. Si në çdo krahasim tjetër mes muajve të pandemisë dhe atyre përpara përhapjes së saj, edhe shkurti ka rënie drastike.
Kështu, 26 mijë e 16 pasagjerë kanë udhëtuar me linja detare në muajin shkurt. Krahasimisht me muajin shkurt të vitit 2020, janë 34,4% më pak. Akoma më e thellë është diferenca për dymujorin e parë, që është 43,2% më pak se në vitin 2021.
Numri më i madh i pasagjerëve kanë udhëtuar përmes linjave ajrore, duke zënë 74,8% totalit të udhëtimeve. Megjithatë, 71 mijë e 347 pasagjerët janë 63,2% më pak se udhëtarët për shkurtin e një viti më parë.
Eksportet dhe importet e mallrave
Totali i vlerës së mallrave të eksportuara dhe të importuara në muajin shkurt është 77 miliardë lekë, dhe më shumë se gjysma e tyre janë transportuar në det.
Eksportet paraqesin një strukturë të transportit të ndarë mes atij detar në masën 58,4%, transportit rrugor në 34,1% dhe nw ajwr me 0,4%.
Në anën e importeve ka një situatë më të balancuar mes transportit detar dhe atij rrugor. 46,6% të mallrave në muajin shkurt janë transportuar në rrugë detare, 48,9% me transport rrugor dhe 2,8% në rrugë ajrore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bardhi i përgjigjet Ramës: Ke marrë avokat të dobët, i jep urdhra SPAK-ut sepse e ke një hall
-
Komisioni Hetimor për TIMS publikon listën e dëshmitarëve që do të pyeten: Balla, Rrumbullaku e Hyseni mes tyre
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Meta rreshtohet me VMRO dhe ‘parashikon’ fitoren e tyre në Maqedoninë e Veriut
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog