Kryeministri i Shqipërisë, Edi Rama do të vizitojë Berlin-in të martën e 7 marsit për t’u takuar me homologun e tij gjerman Olaf Scholz.
Lajmi u bë i ditur nga Kancelaria gjermane, duke cituar fashikullin e agjendës “Bisedime me Kryeministrin e Shqipërisë”
“Në orët e vona të mëngjesit, Kancelari Federal pret në Kancelarinë Federale Kryeministrin e Republikës së Shqipërisë, Edi Rama”, shkruajnë autoritetet gjermane.
Sipas deklaratës zyrtare, në fokus të takimit do të jetë koordinimi me synimin për rolin pritës të Shqipërisë në Procesin e Berlinit për Ballkanin Perëndimor.
Në Samitin e Procesit të Berlinit më 3 nëntor 2022 në Kancelarinë Federale, këtë rol e mori kryeministri shqiptar.
Gjithashtu, bisedimet dypalëshe mes Kancelares Federale dhe kryeministrit të martën do të trajtojnë çështje dypalëshe, ekonomike dhe të politikës së jashtme dhe procesin e anëtarësimit të Shqipërisë në BE.
Pas bisedimeve është planifikuar një konferencë e përbashkët për shtyp.
Më 3 nëntor të vitit të kaluar, Scholz deklaroi se gjashtë shtetet e Ballkanit Perëndimor po bëjnë përpjekje serioze për të ecur në rrugëtimin evropian dhe kjo mbetet një prioritet për ne.
Ai u shpreh se tri marrëveshjet e nënshkruara asokohe do të ndihmonin në ecjen përpara të qëllimeve të rajonit Ballkanit.
“Tregohet serioziteti i vendeve të Ballkanit Perëndimor për vlerat e Ballkanit Perëndimor”.
Scholz theksoi se gjashtë vendet kanë rënë dakord që të punojnë më ngushtë në fushën e energjetikës.
“Ne dhe anëtarët e tjerë do të mbështetim me çdo kusht përballimin me krizën e energjetike. Gjermania do të mbështesë përmes bankës së saj me hua deri në 200 milionë në periudhën afatmesme”.
Kancelari tha se Gjermania do ta mbështesë Procesin e Berlinit. Ai premtoi gjithashtu se do të ketë organizime të tjera të këtij lloji.
Procesi i Berlinit u nis nga Gjermania në vitin 2014 nën kancelaren e atëhershme Angela Merkel.
Ai synon të afrojë gjashtë vendet e Ballkanit dhe t’i përgatisë së bashku për anëtarësim në Bashkimin Evropian.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bardhi i përgjigjet Ramës: Ke marrë avokat të dobët, i jep urdhra SPAK-ut sepse e ke një hall
-
Komisioni Hetimor për TIMS publikon listën e dëshmitarëve që do të pyeten: Balla, Rrumbullaku e Hyseni mes tyre
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Meta rreshtohet me VMRO dhe ‘parashikon’ fitoren e tyre në Maqedoninë e Veriut
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog